සැකකරුවෙක් අල්ලන්න, පොලීසිය මහජන සහය පතයි

අපරාධ රැසකට සම්බන්ධ බවට අනාවරණයවී ඇති සැකකරුවෙකු අත්අඩංගුවට ගැනීම සඳහා පොලීසිය මහජන සහය ඉල්ලා තිබෙනවා. ‘රෆික් මොහොමඩ් ෆාරිස්’ නම් මෙම සැකකරු වයස අවුරුදු 49ක පුද්ගලයෙක් බවයි පොලිස් මාධ්‍ය කොට්ඨාසය නිකුත් කර ඇති නිවේදනයේ දැක්වෙන්නේ.

ඔහුගේ ජාතික හැඳුනුම්පත් අංකය ‘761850466v’ ලෙස සඳහන්.

මෙම සැකකරු 2020.08.25 වැනිදා රුපියල් එක් කෝටි හැටපන් ලක්ෂයක් ( 16,500,000/=) වටිනා ජීප් රථයක් කොළඹ ජාතික රෝහලේ රථ ගාලේ නවතා තිබියදී සොරකම් කිරීම සම්බන්ධයෙන් සහ 2023.12.18 වැනිදා වාහනයක් ලබාදෙන බව පවසා එක්කෝටි විසිපන් ලක්ෂයක ( 12,500,000/=) මුදලක් ලබාගෙන වංචා කිරීම සම්බන්ධයෙන් ලද පැමිණිල්ලක් අනුව කොළඹ අපරාධ කොට්ඨාසයේ නිලධාරීන් කණ්ඩායමක් විසින් විමර්ශන ආරම්භ කර තිබෙනවා.

එමෙන්ම මෙම සැකකරු ව්‍යාජ නම් කිහිපයකින්ම පෙනී සිටින බවයි පොලීසිය සඳහන් කරන්නේ.

මොහුට භාෂා කිහිපයක් හැසිරවීමට හැකියාව ඇති බවත්, මොහු ගමන් කරන වාහනවල රජයේ නිල ලාංඡන ප්‍රදර්ශනය කරමින් ගමන් කරන බවට ද තොරතුරු අනාවරණයව ඇති බව සඳහන්.

ඒ අනුව ඉහත විස්තරයන්ට අදාළව සහ පහතින් දක්වා ඇති ඡායාරූපවලට අදාළ මෙම සැකකරු සම්බන්ධයෙන් යම් තොරතුරක් වෙතොත් වහාම පොලීසිය වෙත දැනුම් දෙන ලෙසයි පොලිසිය මහජනතාවගෙන් ඉල්ලා සිටින්නේ.

දැනුම්දිය යුතු දුරකථන අංක :

ස්ථානාධිපති, කොළඹ අපරාධ කොට්ඨාසය : 071-8591735

ස්ථානාධිපති, විමර්ශන ඒකක 05 : 071-8596507