ස්පාඤ්ඤයට සහ පෘතුගාලයට හදිසි තත්ත්වයක් හේතුව විදුලිය බිඳවැටීමක්
ස්පාඤ්ඤයේ සහ පෘතුගාලයේ ප්‍රදේශ රැසක විදුලිය බිඳවැටීමක් හේතුවෙන් හදිසි තත්ත්වයක් ප්‍රකාශයට පත් කර තිබෙනවා. විදෙස් මාධ්‍ය වාර්තා සඳහන් කරන ආකාරයට ප්‍රංශය සහ ස්පාඤ්ඤය අතර විදුලිබල පද්ධතියේ තාක්ෂණික ගැටළුවක් විදුලිය ඇන හිටීමට හේතුවී ඇති බවයි .වාර්තා වෙන්නේ.
මේ හේතුවෙන්, දෙරටේම දුම්රිය අවලංගු කිරීම්, ගුවන් තොටුපොළවල ප්‍රමාදයන් සහ මාර්ග සංඥා ක්‍රියා විරහිත වීම් සිදුවී තිබෙන අතර, විදුලි සැපයුම සම්පූර්ණයෙන් යථාවත් කිරීමට තවත් පැය කිහිපයක් ගත විය හැකි බවයි ස්පාඤ්ඤය සඳහන් කළේ.
විදුලි ඇන හිටීමට හේතුව තවමත් නිශ්චිත නොවන නමුත්, එය සයිබර් ප්‍රහාරයක් නොවන බව පෘතුගාල අගමැති පවසා සිටියා.
29/04/2025
