පිටවන සෑම ශ්‍රාවයක්ම ලිංගාශ්‍රිත රෝග ලක්ෂණයක් නොවේ
ශ්‍රාවයන් පිටවීමේ තත්ත්වයන් ලිංගාශ්‍රිත රෝගයන් නිසාම පමණක් ඇති වෙන්නේ නැහැ. එම නිකුත්වන ශ්‍රාවයේ දුර්ගන්ධය සහ පැහැයේ වෙනසක් ඇත්දැයි පරීක්ෂා කිරීමෙන් හඳුනා ගන්නට පූළුවන්. ඒ වගේම මෙසේ ශ්‍රාවයන් පිටවීමේ තත්ත්වය ඇති කරන රෝගී තත්ත්වයන් පහක් තියෙනවා.
- ගොනෝරියාව හෙවත් සූදු බිංදුම
- ගොනෝරියාව නොවන මූත්‍ර ප්‍රදාහය
- ට්‍රයිකො මොනෑසියාව
- කැන්ඩිඩයිසිස්
- බැක්ටීරියල් වැජිනෝසිස්
මෙම රෝගී තත්ත්ව අතුරින් කැන්ඩිඩයිසිස් හා බැක්ටීරියල් වැජිනෝසිස් යන රෝග දෙක ලිංගික සම්ප්‍රේෂණයකින් තොරව ඇති වෙනවා.
නයිසීරියා ගොනෝරියා නමැති බැක්ටීරියා ආසාදිත අයෙක් සමග ලිංගික ඇසූරක යෙදුණූ අයෙකුට ගොනෝරියාව රෝගය ඇතිවෙනවා. බොහෝ විට පිරිමි කෙනෙකු සතියක පමණ කාලයකින් මෙහි රෝග ලක්ෂණ පෙන්නූම් කළත් කාන්තාවකට සති කිහිපයක් යනතුරු රෝග ලක්ෂණ පහළ වෙන්නේ නැහැ. විෂබීජ ශරීරය තුළ තිබූණත් කිසිම රෝග ලක්ෂණයක් නොපෙන්වා සිටීම මෙහිදී සිදුවෙනවා. මෙහිදී මූත්‍රා දැවිල්ල. සැරවා වැනි ශ්‍රාවයන් පිටවීම සහ ඔසප් වීම අතර කාලයේදී රුධිරය පිටවීම වැනි රෝගී තත්ත්වයන් දැකීමට පූළුවන. නිසි ප්‍රතිකාර කිරීමෙන් රෝගය සූව කරගත හැකි අතර ප්‍රතිකාර ලබා නොගැනීමෙන් ශරීර අභ්‍යන්තරයට පැතිරී ගර්භාෂය. පැලෝපීය නාලයණී ඩිම්බ කෝෂ ද ආසාදනයට ලක්වෙනවා. මෙහිදී අතුරු ආබාධ ලෙස දරු ඵල අහිමි වීම ද සිදුවෙනවා.
බැක්ටීරියා කිහිපයක් නිසා ඇතිවන ගොනෝරියා නොවන මූත්‍ර ප්‍රදාහය රෝගයට ද ප්‍රතිකාර නොකිරීමෙන් නොයෙකුත් බරපතල තත්ත්ව ඇතිවෙනවා. ඒ වගේම මෙම රෝග තත්ත්ව දෙකේදීම රුධිරය හරහා ශරීරයේ වෙනත් ස්ථානවල මෙම විෂබීජ පැතිර යාමෙන් සන්ධි වේදනා සහ ඉදිමීම සමේ දද වැනි රෝග තත්ත්වයන් ඇති වෙයි.
ට්‍රයිකො මොනොසියා රෝගයේ රෝග ලක්ෂණ කාන්තාවකට පළමූව ඇතිවන අතර පිරිමි අයට පසූකාලීනව ඇතිවෙනවා. මෙහිදී නිකුත් වන ශ්‍රාවය පෙණ සහිත ස්වභාවයක් මෙන්ම කහ හෝ කොළ පැහැයෙන් යූතුව පිට වේ. ඒ වගේම කැසීමක්ද ඇත. ප්‍රතිකාර අවශ්‍ය කාලයේදී ලබා ගැනීමෙන් රෝගී තත්ත්වයෙන් ආරක්ෂා වීමට පූළුවන් කම ලැබෙනවා.
මේ ආකාරයට ලිංගිකව සම්පේ්‍රෂණය වන රෝග සහ රෝග ලක්ෂණ අපට හඳුනාගන්නට පූළුවන්. පෙරදී අප කිව්වා වගේම මේ සඳහා අවශ්‍ය ප්‍රතිකාර ලබා ගෙන මෙවැනි රෝග තත්ත්වයන්ගෙන් ආරක්ෂාකාරී වෙන්නට පූළුවන්.
වෛද්‍ය ශාන්ත හෙටිටිආරච්චි
