පවුල් ජීවිතයට හානිකරන ආතතිය

ආතතිය නැත්තං Stress කියලා කියන්නේ අපි හැමෝටම අවශ්‍ය දෙයක්. ඒත් දැඩි ආතතිය නිසා අපේ මනස මෙන්ම ශරීරයත් යන දෙකම ලෙඩ කරනවා. කල් පවතින ආතතිය මානසික අවපීඩනය නැත්නම් depression ඇතිවීමට ප්‍රධාන හේතුව ලෙස මේ වන විට මනෝවිද්‍යවේ හොයාගෙන තියෙන දෙයක්. ලෝක සෞඛ්‍ය සංවිධානය පවසන ආකාරයට මානසික ආතතිය නැත්තං depressionමේ වෙනකොට ලෝකෙ සියලුම අසනීප අතරින් දෙවැනි අසනීපය හැටියට පැමිණ තිබෙනවා. සියදිවි හානි කර ගැනීමටත්, ජීවිතය අවුල් වීමටත්, ලිංගික ගැටලු වලටත්, ප්‍රධාන හේතුව මෙමමානසික අවපීඩනය කියලයි ඔවුන් පවසන්නේ. මේ මානසිකඅවපීඩනය නිසා පීඩාවට පත්වුණ  යුවළක් ගැනයිමේ කතාව.

සුරන්දිනී ගේ වයස අවුරුදු 28 යි. විවාහ වෙලා දැනට අවුරුදු තුනක් වෙනවා . එයාට අවුරුද්දක දරුවෙකුත් ඉන්නවා. සුරන්දිනී අපිත් එක්ක කියපු කතාව…..

මම විවාහ වෙලා දැනට අවුරුදු තුනක් වෙනවා. අපි යාලු වෙලා තමයි බැඳේ. අහස් මට ගොඩක් ආදරෙයි, ඒත් එයා මාව රැවැට්ටුවා. මට ඒක දරා ගන්න බැහැ. එයාගෙ ලෝකෙ ඔෆිස් එක විතරයි. ඉස්සර වගේ එයා මට ආදරේ නැහැ. මට ආදරෙන් කතා කරන්නේ නැහැ. මට ආදරෙන් කතා කරේ නැති උනාට එයාගේ office එකේ ගැහැණු  ලමයි සමග එයා හරියට හුරතල් වෙනවා. එයා ගෙදර ආවහම මූණ හෝ දන්නේ නැහැ මහ රෑ වෙනකම් ම. TV එක බලන එක තමයි කරන්නේ. ඊට පස්සේ එක්කෝ එයා  Lap එකේ එහෙම නැත්නම් Phone එකේ ඉන්නෙ. එයාගෙ ලෝකෙ එයා. අඩුම තරමේ එයා මට Kiss එකක් දුන්න දවසක්වත් මට මතක නැහැ. එයත් එක්ක කිසි දෙයක් කතා කරන්න බැහැ, එයාට හරියට තරහ යනවා. මට දැන් ජීවිතෙත් එපාවෙලා තියෙන්නේ . දවසක් එයා අහම්බෙන් වගේ එයාගේ Office එකේ Lap එක ගෙදර අරන් ආවා. මං ඒක බලනකොට එයා Girl කෙනෙක් එක්ක Chat කරපු msg වගයක් මම දැක්කා. මට ඒක දරා ගන්න බැරි වුණා. ඇයි එයා මාව මේ විදිහට රැවැට්ටුවේ.

සුරන්දිනී ගේ සැමියා වන අහස් පැවසුව දෙය

මම සුරන්දිනී ට ගොඩක් ආදරෙයි. ඒත් එයා දැන් නිතරම මාත් එක්ක රණ්ඩු කරනවා. එයා මට දවසකට calls 50ක් විතර දානවා. එයාට මාව විශ්වාස නැහැ. එයා නිතරම මගේ Phone එක චෙක් කරනවා. මට Office එකේ වැඩක් කරගන්න බැරි තරමටම Msg කරනවා. මේ හේතුව නිසා දැන් මගේ Office එකේ යාළුවොත් මට හිනා වෙනවා. මට දැන් මේ ජීවිතේ එපාවෙලා තියෙන්නේ ඒත් මට දරුවෙක් ඉන්න නිසා මං තාමත් ඉවසනවා.

ඇත්තටම දැන් මට සුරන්දිනීව එපාවෙලා තියෙන්නේ. එයා එක්ක ලිංගිකව එකතු වෙන්න වත් මට ආසා හිතෙන්නේ නැහැ. අපි විවාහ වුණේ අවුරුදු පහක් විතර ආදරේ කරලා. එයා ඒ කාලේ හරිම ලස්සනයි. ඒත් දැන් එයාට එයාගෙ ඇඟ ගැනවත් හිතන්න කිසිම උනන්දුවක් නැහැ. ඒ ඔක්කොටම වඩා එයාට තරහ ගියාම එයා හැසිරෙන විදිහට මං පොඩ්ඩක්වත් ආස නැහැ. මං මහන්සි වෙලා Office ඇරිලා ආවම මං ගැන කිසිම සැලකිල්ලක් දක්වන්නෙ නැහැ. අඩුම තරමේ මට තේ එකක්වත් හදලා දෙන්නේ නැහැ. ගෙදර හැමදේම අවුල් වෙලා. මේ අතරෙ තමයි මට Office එකේ Girl කෙනෙක් ළං වුනේ. ඒ සම්බන්ධයෙන් නිසා මට ලොකු relax එකක් ලැබෙනවා. 

ඔවුන් දෙදෙනාම මානසික අවපීඩනයට පත්වෙලා සිටින නිසා එයින් මුදවා ගැනීමට උපදේශනයට යොමු කළා.

උපදේශනයේ දී යොදාගත් ක්‍රියාකාරකම් කිහිපයක් :

• මානසික අවපීඩනය ගැනමනෝ විද්‍යාත්මකව දැනුවත් කිරීම
• ආතතිය අවම කරගැනීමේ ක්‍රියාකාරකම්
• තරහා පාලනය කර ගැනීමේ ක්‍රියාකාරකම් (Anger Management)
• සිතුවිලි ප්‍රතිකාර ක්‍රමය(C.B.T)
• සිදුවීම් දෙස වෙනස් ආකාරයකට බැලීමට පුරුදු කිරීම
• Daily activities
• දෙදෙනා අතර සන්නිවේදන
• දෙදෙනා අතර සන්නිවේදන සම්බන්ධතාව දියුණු කිරීමේ ක්‍රියාකාරකම්
• මනස සැහැල්ලු කර ගැනීමේ ක්‍රියාකාරකම්
• ව්යායාම (Exercise)
• ලිංගික චිකිත්සාව (Sex therapy)

මානසික ආතතිය නිසා ඔබේ ජීවිතය අවුල් වීමට නොදී සතුටින් ගතකිරීම ඳහා ආතතිය  හදුනාගැනීම හා එයින් මිදී සිටීමට කළ හැකි දේවල් වලට යොමු වීම ඉතා වැදගත්ය.