කසාදයට සුබ නැකැතක්
යාළුවෙලා අවුරුදු දහයක්ම වෙනවා - විශාක් වයසත් යනවා. ජීවිතෙත් ගතවෙනව. ගෙදරින් ප්‍රපෝසලුත් ගේනවා. ඔයා බලාගෙන ඉන්නවා'
'මොකක්ද කරන්න කියන්නෙ මට?'
'අපි කසාද බඳිමු...'
'අපේ අම්මයි අප්පච්චියි කේන්ද්‍ර විශ්වාස කරනවා. අපි ඉස්සෙල්ල අපේ කේන්ද්‍ර බලවමු...'
'ඔන්න තවත් විකාරයක් පටන් ගන්න හදනවා... තවත් කලක් ගත කරන්න...'
'එහෙම කියන්න එපා විශාකා... අපේ ජීවිතවලට පුදුම විදියට මේ ග්‍රහයන් බලපානවා. අපි හැඩ ගස්වන්නත් එයාලට පුළුවන්. අපිව විනාශ කරන්නත් එයාලට පුළුවන්'
'පිස්සු...!'
ඒ කතාව එහෙම වුණත්
ජේ‍යාතිෂය පිළිබඳ වැඩි විශ්වාසයක් නොමැති අයද තම විවාහය සිදු කරන අවස්ථාවේදී නිවෙසක් ගොඩනැඟීමේදී, දරුවකු උපත ලද විටකදී ජේ‍යාතිෂයේ පිහිට ලබා ගැනීමට නිතැතින්ම පෙලඹෙනවා. නමුත් විවාහය සිදු කිරීමේදී සිදුවන වරදක් පිළිබඳ කතා කළ යුතුමයි.
පංචාංගය ශුද්ධ නොවූ දිනයක, විවාහයක් හෝ මොන යම් කටයුත්තක් සිදු කළත්, අශුභපල අත් විඳින්නට සිදු වීම ස්ථිරයි. එම නිසා කල් වේලා ඇතිව දෙදෙනාට සීහෙන නැකැත් දිනයක් තෝරා ගෙන ඒ අනුව තමන්ට අවශ්‍ය පරිදි නැකැත ශුද්ධ කරගත යුතුයි. දෝෂ රහිත නැකැතක් ශක්‍ර දෙවියන්ටවත් සෑදිය නොහැකි බවත් සිහි තබාගෙන ඒ අනුව නැකැතක ඇති වැදගත්කම තේරුම් ගත යුතුයි.
විවාහයකදී සුබ මොහොතින් කළයුතු කටයුතු
- නම් ප්‍රසිද්ධ කිරීම
- මඟුල් මඬුව ඉදිකිරීමට කණු සිටුවීම
- බුලත් දීම
- තෙල් වළං ළිප තැබීම
- මඟුල් මේසය ඉඳුල් කිරීම
මෙම කටයුතු බොහෝ විට සිදුකළේ මංගල දිනයට පෙරදී ඒ මනමාලිය කැඳවාගෙන යන දිනට කලින් දිනවලට.
මංගල දිනයේදී අනිවාර්යයෙන්ම සිදු කළයුතු චාරිත්‍ර සහ නැකැත්
- මනමාලිය සිය නිවෙසින් පිටත්වීමට
- පෝරුවේ චාරිත්‍ර සඳහා
- විවාහය ලියාපදිංචි කිරීම මංගල නැකැත් සෑදීමේදී මනමාලිය කැඳවා ගෙන යෑම හවස 4ට පෙර සිදු කළ යුතුමයි. ඒ සඳහා නිවෙසින් පිටවීමට සුබ මුහුර්තය පස්වරු 1.30ට පෙර යොදා ගන්නේ නම් වඩාත් යහපත්.
විවාහ මංගල දිනයේ කටයුතුවලට මුහුර්ත සෑදීම සඳහා අනිවාර්යයෙන්ම පංචාංග ශුද්ධ දිනයක් ගත යුතුයි. හිරු උත්තරායනය තුළ ගත කරන කාලය වඩාත් සුබය. වෙසක්, පොසොන්, ඇසළ තෙමස විවාහ කටයුතු සඳහා ඉතාම සුබයි. යුවතිපති දෙදෙනාට සුබ ජන්ම නැකැත් දෙකම සීහෙන නැකැත් දෙකක් යොදා ගත යුතුයි.
- රෙහෙණ, මුවසිරස, උත්‍රපල්, සා, අනුර, උත්‍රසල, උත්‍රපුටුප, අස්විද, මා, මුල, රේවතී යන නැකැත් වඩා සුබය. සුබ තිථි ලෙස පුර පක්ෂයට අයත් 2, 3, 5, 7, 10, 11, 13 යන තිථි යහපත්.
- සුබ මංගල්‍යය සිදු කරන දින රවි සිටින නැකැතින් 5, 6, 7, 8, 9, 10 හා 20, 21, 22, 23, 24, 25 යන නැකැත් වීම ඉතාම යහපත්. සඳුදා, බදාදා, බ්‍රහස්පතින්දා, සිකුරාදා දිනයන් වීම ඉතාම සුබයි.
- තත්කාල ලග්නයට වෘෂභ, මිථුන, කටක, සිංහ, කන්‍යා, තුලා, ගුරු හෝරාවත් ඉතාම සුබයි.
- විවාහ නැකැත් සෑදීමේදී රික්තා තිථි 3ක්ද, පෝය තිථි 4ද අසුබයි.
- මිථුන, රවි ඇසළ මාසයේ පුර තිථි 4, 8, 9, 14, 15 සහ අව පක්ෂයේ සියලුම තිථි අසුබයි.
- මා නැකැතේ සහ මුල නැකැතේ පළමු පාදයද රේවතී නැකැතේ හතර වැනි පාදයද විවාහ මංගල්‍යයට ඉතාම අසුබයි.
- මේෂ, රවිය බක් මාසයද, වෘශ්චික රවියේ ඉල් මාසයද, මකර රවියේ දුරුතු මාසයද නුසුදුසුයි.
- කෝණ මාසවල අග දින 15 ඉතා අසුබයි.
- යම් පවුලක වැඩිමහල් දරුවාට ඔහු උපන් චන්ද්‍ර මාසය යෙදෙන කාලය මඟහරවා ගත යුතුයි.
- වෙසක් මස උපන් දෙදෙනකුට එම මස විවාහයට නුසුදුසුයි.
- ජන්ම නැකැත, ජන්ම දිනය සහ ජන්ම මාසය ආවාහ විවාහවලට සුදුසු වන්නේම නෑ.
මංගල නැකැතක ඉතාම වැදගත් අවස්ථාව වනුයේ දෙදෙනා කායිකව එකතුවන අවස්ථාවයි. එය පංචාංගය ශුද්ධ වූ රාත්‍රි 8.00 අලුයම 4.00 අතර කාලයක යොදා ගැනීම ඉතා සුබයි. මෙම මොහොත සුධාරක ප්‍රතිසන්ධියක් උදෙසා වන්නේ නම් වඩාත් මැනවි. මේ සඳහා ගුරු හෝරාව පංචමය හා සූක්ෂමය තෝරා ගැනීමට හැකිනම් ඉතා යහපත්. මෙම ලකුණ ඇති රාශි තුළ (2, 7, 8, 12) කිසිම ග්‍රහයකු නොමැතිව සිටීම ඉතා යහපත්ය.
තත්කාල කේන්ද්‍රයේ ධනු, මේෂ, සිංහ, මකර, වෘශ්චික ලග්න සහ රවි, කුජ, ශනි දිනයන් හෝ එම හෝරාද, කුම්භ ලග්නය සමඟ විසා නැකැත යෙදුණු වේලාවේද විවාහය සඳහා අසුබයි. රවි, ධනු, කන්‍යා, කුම්භ, රාශියක සිටින කාලයද සුදුසු නැහැ. ලග්නයේ 7 සඳු සිටින තැන පාපීන් සිටීමත් යෝග්‍ය වෙන්නේ නැහැ. චන්ද්‍රයාට පාප දෘෂ්ටි නොලැබිය යුතුයි. ගුරු, සිකුරු අස්තව පවතින කාලයන්හි නොවීමටද වගබලා ගත යුතුයි. මාසයක කාලයක් තුළ ග්‍රහණ සිදුනොවී තිබිය යුතුයි. එසේ යම් ග්‍රහණයක් සිදුවී නම් එම මාසය අත්හළ යුතුයි. රවි 1, 2, 5, 8, 12 නොවීමටද වග බලා ගැනීම අවශ්‍යයි. බිරිය කනවැන්දුම් වීමට එය හේතුවක්. එසේම සඳු ලග්න ගත වීම බිරිය මියගොස් සැමියා කනවැන්දුම් වීමට හේතුවක්. කුජ ලග්නයේ වූ විට දෙදෙනාට අකල් මරණ ගෙන දෙනවා. තත්කාල කේන්ද්‍රයේ 7 හෝ 7 වැන්නෙන් 2හි හෝ 8හි පාපීන් නොසිටිය යුතුයි. උපන් ලග්නයෙන් හෝ ජන්ම චන්ද්‍ර රාශියෙන් 6, 8, 12 රාශි කිසිවක් තත්කාල ලග්නය ලෙස නොගත යුතුයි. දෙදෙනාගේම ජන්ම කේන්ද්‍රවල 6, 8, 11 යන තැන්හි සඳු ගමන් කරන කාලය සුදුසු නොවේ. 1, 2, 4, 7, 9, 10, 11 යන රාශිවලද පාපීන් 3, 6, 11 සුදුසුයි. ගුරු ලග්නයේ බලවත්ව සිටීම යහපත්. එය දෝෂ භංග වීමට හේතුවක්.
පාප ග්‍රහයන් නුසුදුසු ස්ථානවල සිටීමේ දෝෂ ඔවුන් නීචව හෝ සතුරුව සිටියේ නම් භංග කෙරෙනවා. සිකුරු 6 වැන්නේ සිටීමේ දෝෂය සිකුරු නීචව හෝ සතුරුව සිටියේ නම් භංගයි. මෙසේ මංගල නැකැත් සාදා ගැනීමේදී එම නැකැත්වල යම් දෝෂයක් තිබේ නම් ඒවා භංග වන ආකාරයට පිහිටුවා ගැනීමට හැකි විය යුතුයි. මෙසේ දෝෂ භංග වන ක්‍රමවේදයන් ඍෂිවරයන් විසින් අපට දායාද කර දී තිබෙන අතර එමඟින් අපට ඕනෑම කාලයක විවාහ වීමට සුබ මුහුර්ත සකස් කර ගැනීමට හැකියාව තිබෙනවා. නමුත් කෝණ මාසවල විවාහ වීම අශුභයි කියලා ජනයා අතර එළැඹ ගෙන ඇති මතය නිවැරැදි කිරීමට නම් කාලය පැමිණ තිබෙනවා. ලංකා ලිත් කතුවරයා රාහු කාලය තුළ නැකැත් සාදන අන්දම දක්වා ඇත්තේද මෙම දෝෂ භංග කරන ක්‍රමවේදය උපයෝගී කරගෙනයි. එම නිසා විවාහයේ කුමන නැකැතක් සෑදුවද දෝෂ භංග කරන ආකාරය දන්නේ නම් ඕනෑම කාලයක් විවාහයේ ප්‍රතිඵල ලැබීමේ හැකියාව ජේ‍යාතිෂය තුළ පවතිනවා. එම නිසා නැකැත් යනු දෝෂ අවම ප්‍රදේශයක චන්ද්‍රයා සිටින වේලාවයි. නැකැත් කියන දේ වර්ෂය පුරාම පැවැතුණත් අවශ්‍ය වන්නේ නිවැරැදිව ඒවා යොදා ගැනීම පමණයි. එහෙම වුණොත් විශාක් සහ විශාකලා වගේ අයගේ ජීවිතවලට කවදාවත් අවාසනාව එන්නේ නැහැ.
ජේ‍යාතිෂවේදී
ඩී. එම්. නිලන්ත කුමාර ධනසේකර
0767-827160
උපුටා ගැනීම මව්බිම
