මනාලියන් සහ මනාලයන් තෝරා ගැනීමේ දී සැලකිය යුතු කරුණු
විවාහ වීමට පෙර මනාලියන් සහ මනාලයන් තෝරා ගැනීමේදී ඔවුනොවුන් සිය කේන්දර දැඩි ලෙස විමර්ශනය කළ යුතුය. විවාහ දිවියට එළැඹෙන දෙදෙනා ගෙන් එක් අයකුත් හෝ චරිතය අවකල් ක්‍රියාවෙන් පළුදු වෙනවා නම් ඔවුන් දෙදෙනාගේ විවාහ ජීවිතය වාසනාවන්ත වීමට කිසිසේත් ම ඉඩ නැත. තරුණියක සහ තරුණයකු විවාහ වීමට පෙර දෙදෙනාගේ ම කේන්දරවල ග්‍රහ පිහිටීම් නිසා ඔහුට හෝ ඇයට මාරක විපත් ගෙන දෙන ග්‍රහ පිහිටීම් ජන්ම පත්‍රයේ ඇත්දැයි සොයා බැලිය යුතුය. විවාහ ජීවිතය අවාසනාවන්ත තත්ත්වයක් කරන ග්‍රහ පිහිටීම් බොහෝ ඇත. විවාහ වීමට නියමිත යුවතිය හා තරුණයා එකිනෙකා තෝරා ගැනීමේ දී විවාහයට අසුබ ග්‍රහ පිහිටීම් හැකිතාක් දුරට මඟහැරෙන ලෙස ග්‍රහ පිහිටීම් ඇති අයම සොයාගත යුතුය. එය සුවිශේෂී කාරණාවකි.
මනාලියන් සහ මනාලයන් තෝරා ගැනීමේ දී සැලකිය යුතු කරුණු
- විවාහයට තෝරාගනු ලබන යුවතිය හෝ තරුණයාගේ කේන්දරවල පහත සඳහන් ග්‍රහ පිහිටීම් නොමැත්තේ නම් ඒ එකිනෙකා විවාහයට සුදුසුය.
- පුරුෂ කේන්දරයේ සෙනසුරු ස්ත්‍රී කේන්දරයෙහි ලග්නයෙහි හෝ රවි සඳු සෙනසුරු ස්ත්‍රී කේන්ද්‍රයෙහි ලග්නයෙහි හෝ ලග්නාධිපති හෝ සිටින රාශියක සිටීම.
- පුරුෂ කේන්ද්‍රයෙහි රාහු ස්ත්‍රී කේන්ද්‍රයෙහි හෝ රවි සඳු අඟහරු හෝ ලග්නාධිපති හෝ සිටින රාශියක සිටී ම.
- ස්ත්‍රී කේන්ද්‍රයෙහි සෙනසුරු පුරුෂ කේන්ද්‍රයෙහි ලග්නයේ හෝ රවි සඳු සිකුරු හෝ ලග්නාධිපති හෝ සිටින රාශියක සිටී ම.
- ස්ත්‍රී කේන්ද්‍රයෙහි රාහු පුරුෂ කේන්ද්‍රයෙහි රවි, සඳු, සිකුරු හෝ ලග්නාධිපති හෝ කවර රාශියක සිටී ම.
- ස්ත්‍රී කේන්ද්‍රයෙහි අඟහරු පුරුෂ කේන්ද්‍රයෙහි සය වැන්න, අටවැන්න, දොළොස්වැන්න හෝ දෙවැන්න සිටී ම.
- එක් අයකුගේ ලග්නාධිපති අනෙකාත් ලග්නාධිපති සතුරු වීම.
- සඳු පුද්ගලයකුගේ මනසත් මානසික ක්‍රියාවලියත් පාලනය කරනු ලැබේ. කෙනකුගේ කේන්ද්‍රයක සෙනසුරු හෝ රාහු හෝ අනෙක් තැනැත්තාගේ කේන්ද්‍රයෙහි සඳු පීඩනයට පත් කරනවිට පීඩිත තත්ත්වයේ කේන්ද්‍ර හිමියාගේ ක්‍රියා නිසා මානසික අසහනයට සහ පසුබෑම්වලට මුහුණ දීමට සිදුවේ.
- සිකුරු පුද්ගලයකුගේ ලිංගික ජීවිතය පාලනය කරයි. ස්ත්‍රී කේන්ද්‍රයෙහි සෙනසුරු හෝ රාහු පුරුෂ කේන්ද්‍රයෙහි පීඩනයට පත් කරනවිට ඇය පුරුෂයාගේ ලිංගික ජීවිතයට නුසුදුසු තැනැත්තියක් වනු ඇත. එසේ නැත්නම් ඇය තම ස්වාමිපුරුෂයාට ආස්වාදය අහිමි කරනු ලැබේ.
- එසේ ම පුරුෂ කේන්ද්‍රයෙහි සෙනසුරු හෝ රාහු ස්ත්‍රී කේන්ද්‍රයෙහි අඟහරු පීඩනයට පත් කරනවිට එම පුරුෂයාට ඇයගේ ලිංගික ජීවිතය එපා වී වෙනත් ස්ත්‍රීන් සමග සබඳතා ඇති කරගැනීමට ඉඩ ඇත.
- පුරුෂ කේන්ද්‍රයක ගුරු ස්ත්‍රී කේන්ද්‍රයක අඟහරු දකින විට හෝ එම අඟහරු සිටින රාශියට පැමිණි විට හෝ එම ස්ත්‍රිය පුරුෂයා සමග පවත්වන ලිංගික ඇසුරෙන් වින්දනයක් සතුටක් ලබන බව සඳහන් කළ යුතුය.
- පස්වැන්න දරුවන් පාලනය කරන බැවින් මෙහිදී දෙදෙනාගේ කේන්ද්‍රයන්හි පස්වැන්නාධිපති ග්‍රහ සංයෝග සැලකිල්ලට ගතයුතුය. පස්වැන්න ද පස්වැන්නාධිපති දරුවනට කාරක ග්‍රහයා වන ගුරු ද පීඩනයට පත්ව හෝ අයහපත් ලෙස පිහිටා සිටී නම් රෝගී දරුවන් සහ දරු වියෝග පෙන්නුම් කෙරේ. එවැනි කේන්ද්‍ර විවාහය සඳහා තෝරා නොගත යුතුය.
ජ්‍යොතිෂවේදී සිසිර කුමාරසිංහ
උපුටා ගැනීම දිවයින
