ඡායාරූප ඇල්බමය පිටු 35 ට සීමා කරන්න
පෝරුවේ චාරිත්‍ර අවසන් වීමට පැය භාගයකට පෙර ඡායාරූප ගැනීම අවසන් කරන්න.ජීවිතයේ සොඳුරුතම අවස්ථා සදා මතකයේ රඳවා ගනිමින් මතක පිටු අතරට එක් කිරීමට අපි වැඩි කැමැත්තක් දක්වනවා. තාක්‍ෂණික පෙරළියත් සමගම ඡායාරූප ශිල්පය හා වීඩියෝ පට අප අතර ප්‍රචලිත වන්නේත් ඒ නිසාමයි. ඔබේ විවාහ මංගල්‍යයේත් ඡායාරූපකරණයට හිමිවන්නේ සුවිශේෂී ස්ථානයකි. එහෙයින් මංගල දිනයේ ඡායාරූපකරණය පිළිබඳ ඔබ දැනුම්වත් විය යුතු කරුණු කාරණා බොහොමයකි. විවාහ මංගල්‍යයක ඡායාරූපකරණයට වැඩි අවධානයක් යොමුවෙයි. කල් වේලා ඇතිව ප්‍රවීණ ඡායාරූප ශිල්පියකු තෝරාගත යුත්තේ එබැවිනි. මැයි, ජුනි, ජූලි හා අගෝස්තු යන මාසයන්හි මංගල නැකැත් වැඩි වශයෙන් යෙදේ. ඔබේ මංගල දිනයත් මෙවන් කාලයක අතර යෙදේ නම් එය සැලකිලිමත් විය යුතු කරුණකි. මෙම කාලයේදී ඡායාරූප ශිල්පීන් තරමක් කාර්යබහුල වන හෙයින් ඔබේ නැකැත් පිළිබඳ තීරණයට පැමිණි පසු වහාම ඡායාරූප ශිල්පියා හමුවට පැමිණෙන්න. යුවළගේ පොරොන්දම් ගළපා ගනිමින් මෙම නැකැත් යොදා ගන්නා විට උදේ හෝ සවස් වරුවේදී උත්සවය පැවැත්වීමට නැකැත් යෙදෙන අවස්ථා ඇත. ඒ පිළිබඳත් ඔබේ ඡායාරූප ශිල්පියා දැනුම්වත් කළ යුතුය. ඡායාරූප ශිල්පියා කෙතරම් ප්‍රවීණ අයකු වුවද මනාල යුවළගේ හැඩගැන්වීම මෙහිදී වැඩි අවධානයක් දිනාගනියි. මන්ද ඔබ දෙදෙනාගේ බාහිර සුන්දර පෙනුම මෙන්ම මංගල ඇඳුමද ඡායාරූපගත වන බැවිනි. මනාලියගේ Makeup, සාරි විලාසිතාවන්ගේ නිමාවන් හා දෙවැනි මනමාලියන්ගේ හැඩගැන්වීම්ද නිසි ලෙස සිදු විය යුත්තේද මේ නිසාමය. ඡායාරූප ශිල්පියාට එම වැරැදි සැකසිය නොහැකිය. ඔබ අවධානය යොමු කළ යුතු අනෙක් කරුණ නම් උත්සව ශාලාවයි. මංගල උත්සවයේ බොහෝ ඡායාරූප ගතවනුයේ ශාලාව තුළය. එහිදී ඉඩකඩ සහිත වැඩි ආලෝකයක් සහිත මනා නිමාවකින් යුතු ශාලාවක් තෝරා ගැනීම වඩාත් සුදුසුයි. එය ඔබේ මංගල ඡායාරූපයන්ට වැඩි අලංකාරයක් ගෙනදීමටත් සමත්ය. උදේ කාලයේ නැවුම් බවින් ඡායාරූප සඳහා පෙනී සිටීම මනාලියටද පහසුවකි. හැඩගැන්වීම හා පෝරු චාරිත්‍ර අතරතුර පැය 2ක පමණ කාලයක් ඡායාරූපගත කිරීමට වැයවේ. මෙම කාලය තුළදී ඔබේ සුන්දර හැඩයන් හා හැගීම් ඡායාරූපගත කිරීමට උපරිම සහායක් ඡායාරූප ශිල්පියාට ලබාදිය යුතුය. ඡායාරූපගත කිරීම් පෝරුවේ චාරිත්‍ර ආරම්භ වීමට අවම වශයෙන් පැය භාගයකටවත් පෙර අවසන් කළ යුතු වේ. එය මනාල යුවළටත් පහසුවක් වේවි.
(Location) පසුතල තෝරා ගැනීම :
අද වන විට ඡායාරූපයන්ට පසුතලය භාවිත කිරීමේදී ස්වාභාවික සුන්දරත්වයට වැඩි තැනක් හිමිවේ. නමුත් එහිදී මනාල යුවළ සැරසෙන සම්ප්‍රදායද වැඩි අවදානයක් හිමිවන අංගයකි. එයට ගැළැපෙන අයුරින් පසුතල තෝරා ගැනීමට ඔබද සැලකිලිමත්වන්න. සාම්ප්‍රදායික උඩරට ක්‍රමයට හැඩවෙන යුවළක් නම් ඊට උචිත පසුතල තෝරා ගැනීම වැදගත්. මෙය මනාල යුවළගේ කැමැත්ත පරිදි සිදුවන්නකි. තවද ඔබ පසුතල සඳහා උත්සව ශාලාව අසලම ස්ථාන තෝරාගැනීම වඩාත් සුදුසුය. මන්ද වඩා දුර බැහැර ස්ථානයන් තෝරාගත් විට නිසි වේලාවට ශාලාවට පැමි”ම තරමක් අවදානම් සහගත වීමට හැකි බැවිනි.
සුදුසුම වේලාව :
ඡායාරූප ගැනීමට වඩාත් සුදුසු වන්නේ උදේ කාලයයි. මනාල යුවළ වඩාත් නැවුම්ව ප්‍රබෝධමත්ව සිටින්නේ මේ අවස්ථාවේය. එලෙස ඔබේ සොඳුරු හැගීම් ඡායාරූප ගත කිරීමට සුදුසුම අවස්ථාව මෙයයි. එහෙත් ඔබ සන්ධ්‍යා කාලයේ විවාහ උත්සවය සමරන්නේ නම් එහිදී ඡායාරූප ගැනීමට වඩාත් සුදුසු වන්නේ සවස 3.00න් පසුය.
Album :
මංගල ඡායාරූප Album කිහිපයකින් නිමවන අවස්ථා අප දැක ඇත. එය ඇතැම් විට wedding, home coming, family book ආදී වශයෙන් වර්ගීකරණය වේ. එය ඔබ අත ඇති මුදල මෙන්ම කැමැත්ත අනුවද තීරණය වන්නකි. මීට අමතරව signature board යන අංගයද සුවිශේෂී වේ. ඔබේ මංගල උත්සවයට පැමිණෙන නෑ හිතවතුන්ගේ සුබපැතුම් අත්සනක් සමග සටහන් වන මෙම ඡායාරූප වඩා වැදගත්ය. එය ඔබට මිහිරි මතකයන් සිහිපත් කරන සුන්දර සිහිවටනයක් වනු ඇත.නව අංග :අන් සෑම දෙයක් සේම ඡායාරූපකරණයත් දිනෙන් දින අලුත් වෙයි. ඡායාරූපකරණයේ නවතම අංගයක් ලෙස ත්‍රිමාන (3D) කරණය හඳුනාගැනේ. එය ඔබේ මංගල ඡායාරූපය තවත් සජීවී අයුරින් විඳ ගැනීමට ඉඩකඩ සලසා දෙයි. මෙතෙක් ඔබ දුටු ඒකාකාරී ඡායාරූපයන්ගෙන් බැහැරව නවමු ආකර්ෂණීය බවකින් ඔබේ ඡායාරූප පෙළගැස්වීමට මින් අවස්ථාව හිමිවේ.
Album නිර්මාණය කිරීමේදී :
මංගල Album නිර්මාණය කරන විට සැලකිලිමත් විය යුතු කරුණු කිහිපයකි. ඡායාරූප පොත නෑ හිතවතුන්ගේ අතින් අතට යන නිසාම එහි ආරක්‍ෂාව පිළිබඳත් සිතිය යුතුමයි. ඡායාරූප පොතෙහි කවරය හා එයට අන්තර්ගත විය යුතු පිටු ගණනත් කල් පැවැත්ම කෙරෙහි මූලිකම බලපාන්නකි. කවරය ශක්තිමත් වීමත් පිටු ගණන 35-36 අතර වීමත් ඉන් ප්‍රධානයි. මෙම ගණයට වඩා වැඩි පිටු ගණනක් තිබුණහොත් එය පොත් බැඳීමට අපහසුවක් වන අතරම අමතරව බරක්ද එක් කරන්නක්. ඔබ තෝරාගත් ඡායාරූප ප්‍රමාණාත්මකව මීට වැඩියි නම් ඒ සඳහා තවත් Album නිර්මාණය කිරීමටද හැකියාව ඇත. නැත්නම් එහි අධික බර එය පරිහරණය කිරීමේදී අපහසුවක් ඇතිකරයි.
ආරක්‍ෂාව :
ජීවිතයට එක් වරක් නිර්මාණය වන මංගල ඡායාරූප පොත දිගුකාලීනව ආරක්‍ෂා කර ගැනීම ඔබ සතු වන්නකි. ඡායාරූප UV කිරණින් ආරක්‍ෂා කර ගන්න ක්‍රමය ගැනත් ඡායාරූප නිර්මාණ ශිල්පියාගෙන්ම අසා දැනගන්න. ඡායාරූප පොත සඳහා ක‍දඩැර ඉදං එකක්ද මේ සමගම හිමිවන්නේත් එබැවිනි. පිටු අතරට tissues යොදා ගනිමින් ඡායාරූප ආරක්‍ෂා කර ගැනීමට හැකිය.
වීඩියෝ :
ඡායාරූපකරණය මෙන්ම වීඩියෝ පටය නිර්මාණයත් අද වන විට ප්‍රචලිත වන්නක්. මංගල දිනය වඩාත් සජීවී ලෙස නැවැත අත්දකින්නට අවස්ථාවක් වීඩියෝ පටය හරහා හිමිවේ. තාක්‍ෂණික නවීකරණයත් සමග uCinematography අත්දැකීම ඔබට සමීප කිරීමට මොවුන් සමත්ව ඇත.
ඡායාරූප ශිල්පී
කුෂාන්ත හේවාපතිරණ
උපුටා ගැනීම මව්බිම
