ලස්‌සන මනාලියක්‌ ලෙස හැඩවෙන්නට කැමති ඔබට විශේෂ කරුණු අටක්‌
යුවතිය මනාලියක ලෙස හැඩවීමේදී මනාලයා ඇගේ උසට සමාන අයෙකුනම් පිළිපැදිය යුතු කරුණු බොහෝමයක්‌ තිබේ. මනාලියක්‌ වන යුවතියටත් මනාලිය හැඩගන්වන ශිල්පියාට හෝ ශිල්පිනියටත් එකලෙස වැදගත් වන කරුණු අටක්‌ ඔබට ඉදිරිපත් කරමු.
01) මංගල දින පළඳින පාවහන් යුවළ තෝරා ගැනීමේදී මනාලයාගේ උස පිළිබඳ ඉතාම සැලකිලිමත් විය යුතුය. ඔබ කැමැත්තක්‌ දක්‌වන්නේ උස්‌ වු කොණ්‌ඩා මෝස්‌තරයකට වුවත් මනාලයා උසින් අඩු නම් ඔබට උස්‌ වූ කොණ්‌ඩා මෝස්‌තරය ගැළපෙන්නේ නැත. එවිට ඔබ ඛෙල්ලට සකස්‌ කරන කොණ්‌ඩා මෝස්‌තරයක්‌ ඔබේ මුහුණට ගැළපෙන ලෙසින් තෝරාගත යුතුය.
02) වේලය රැඳවීමේදීද විලාසිතා තිබුණද එය පැළඳවිය යුත්තේ මනාලයාගේ උස අනුවය. මනාලයා උසින් වැඩි අයෙකු නම් මනාලියට උස්‌ වූ ආකාරයට වේල් එක පැළඳීමට පුළුවන.
03) කර මාලය කරවටා පැළඳීමට බොහෝ මනාලියන් කැමැත්තක්‌ දක්‌වයි. මේ සඳහා ද මනාලයාගේ උස බලපාන බව ඔබ මොහොතකටවත් සිතුවාද?
04) මනාලයා උස නම් මනාලියගේ කර මාලය ගෙලවටා පැළඳිය හැක. මනාලයා එතරම් උස නැතිනම් මනාලියගේ කර මාලය පපු පෙදෙස දක්‌වා දිගුවිය යුතුය. දෙදෙනාගේ ලස්‌සන මතුවන්නේ මෙවැනි පුංචි කාරණා එක්‌වූ තැනදී බව අමතක නොකළ යුතුය.
05) කරාබු ජෝඩුව තෝරා ගැනිමේදීද සැලකිලිමත් විය යුතුය.
- මනාලයාගේ උස අඩුනම් මනාලියට ටසල් (එල්ලෙන) කරාබු සුදුසු නැත.
- මනාලයා උස අයෙකු නම් මනාලියට ටසල් කරාබු පැළඳීමේ හැකියාව තිබේ.
- නැතිනම් ඇය ටසල් කරාබු පැළඳීම කිසිසේත්ව සුදුසු නැත.
06) ඇතැම් මනාලියන් V හැඩති කරට කැමතිය. තවත් අය රවුම් කර සහිත හැට්‌ටයටද කැමතිය. තවත් පිරිසකට හතරැස්‌ කර සහිත හැට්‌ටය සුදුසුය. මනාලයා උස නම් මනාලියට V හැඩැති කර සහිත හැට්‌ටය යෝග්‍යය.
07) හැට්‌ටයේ අතද තීරණය වන්නේ උස අනුවය. මනාලයා උස අයෙකු නම් හැට්‌ට අත දිගුවට මැසීම අවලස්‌සන නැත. එය සුදුසු විලාසිතාවකි.
08) මංගල සාරියේ පොට රැඳවීමේදී එය ඉනටද, උරහිසටද යන්න තීරණය කරන්නේද මනාලයා ගේ උස අනුවය. මනාලයා උස නම් සාරි පොට රැඳවිය යුතු ක්‍රමය උරහිසටය. එනම් ෆිලීට්‌ අප් ක්‍රමයටය.
සැබවින් ම දෙදෙනකු එකතැන සිටින විට දෙදෙනා ගැළපෙන ලෙසින් හැඩවිය යුතුය. මනාලිය හැඩවීමේදී අනිවාර්යයෙන්ම මනාලයාගේ උස පිළිබඳ සැලකිලිමත් විය යුතුමය.
ප්‍රවීණ රූපලාවන්‍ය ශිල්පි අතුල මෙන්ඩිස්‌නවලිය පුවත් පත
