මනමාලයා කාර්ය බහුලයිද?
බොහෝ දෙනකුගේ මතය තමයි මංගල දවසට ලස්සනට ඉන්න ඕන මනමාලි විතරයි කියන එක. නමුත් මනමාලයත් ලස්සනට ඉන්න අවශ්‍යයි. ඒ සඳහා අනුගමනය කළ යුතු ක්‍රම හරිම සරලයි.
- මනමාලිය වගේම මනමාලයාත් මාස 6ක පමණ ඉඳලා මංගල උත්සවයට ලෑස්ති වුණාට කමක් නැහැ.
- මංගල දිනයට අඳින ඇඳුම, දෙවැනි දවසට අඳින ඇඳුම, මංගල උත්සවය ගන්නේ මොන වගේ තැනකද, යහළු මනමාලයා කවුද, ඒ සඳහා කී දෙනෙක් සහභාගි වනවාද කියන කරුණු සඳහා මුලින්ම ලෑස්ති වෙන්න.
- අඳින ඇඳුම තෝරාගන්න. නිලමේ ඇඳුමක් අඳිනවා නම් ඒ සඳහා ගැළපෙන හොඳ ඇඟක් තියෙන්න ඕන. කොණ්ඩය, රැවුල ගැන පවා සැලකිලිමත් වීම එතැනදී වැදගත්.
- නිලමේ ඇඳුම ඇඳලා කවදාවත් කලිසමට අඳින සපත්තුව ගැළපෙන්නේ නැහැ. නිලමේ ඇඳුම සඳහාම විශේෂ වූ සපත්තු පැලඳීම අවශ්‍යයි.
- උස ගැන වැඩි සැලකිල්ලක් දැක්වීම වැදගත්. මනමාලයා උසට පේනවා නම් ලස්සනයි. ඒ නිසා උස වැඩි වන විදියට ඇඳුම් සපයාගන්න පුළුවන් නම් හොඳයි.
- කුර්තා අඳිනවා නම් මනමාලියත් ඉන්දියානු සම්ප්‍රදායෙන් සැරසී ඉන්න ඕන.
- කොණ්ඩය සඳහා මෝස්තරයක් යොදන විට අඳින ඇඳුම ගැනත් සැලකිලිමත් වන්න. ඒ වගේම මංගල දිනයට සතියකට කලින්වත් කොණ්ඩය සකස් කරගන්න.
- ඇඳුමක් නිර්මාණය කරන විට මනමාලිය අඳින සම්ප්‍රදායට, වර්ණයට ගැළපෙන විදියට සකස් කරගන්න පුළුවන් නම් එය වඩාත් හොඳ ගැළපීමක්.
- මුහුණේ පෙනුමත් ඉතාම වැදගත්. අනිවාර්යයෙන්ම රූපලාවණ්‍යාගාරයකට යන්න. ඔට අවශ්‍ය ක්ලෙන්සර්, ක්ලීනප්, පේෂල් වගේ දේවල් නිවැරැදිව කරගන්න පුළුවන්.
- මංගල දවසේ ෆොටෝවලට ලොකු වැදගත්කමක් තියෙන නිසා මංගල දිනයේදී මනමාලයා ලස්සනට ඉන්න ඕන. බටහිර පන්නයට ගැළපෙනවා නම් සපත්තු දෙක, බඳ පටිය, ඇඳුම සමඟ ගැළපීම ඉතාම වැදගත්.
- මංගල දිනයේදී මනමාලයා ඉතාම සැහැල්ලුවෙන් ඉන්න අවශ්‍යයි. වගකීම් කිසිවක් භාරගන්න එපා. ඉතාම සැහැල්ලුවෙන් සිනා මුහුණින් ඉන්න. ජංගම දුරකතනය කාර්යබහුල වෙන්න ඉඩ දෙන්න එපා.
හංසි ආටිගල
උපුටා ගැනීම මව්බිම
