පැණි වළලු
අවශ්‍ය ද්‍රව්‍ය :
- උදු ඇට ග්‍රෑම් 500
- හාල් පිටි ග්‍රෑම් 250
- මිටි කිරි අඬු කෝප්ප 5
- ලුණු තේ හැඳි 2
- පැණි අඬු කෝප්ප 4
- බැඳ ගැනීම‍ට පොල් තෙල්
සාදා ගන්නා ක්‍රමය :
හාල් පිටි කීප වරක් හලා ගන්න. උඳු ඇට ගරා සෝදා රැයක් පුරා පෙ‍‍ෙඟන්නට තබන්න. දැන් එය පෙරාගෙන පොල් කිරි ටිකක්ද දමා හොඳට ග්‍රයින්ඩ් කර ගන්න. දැන් අභරා ගත් උඳු භාජනයකට දමා හාල් පිටි සහ ලුණු ද එකතු කර හොඳට මිශ්‍ර කරන්න. පොල් කිරි ටික ටික දමමින් අතේ නොඇලෙන ගනට උකු මිශ්‍රණයක් සාදා ගන්න. දැන් මේ පිටි මිශුණය පැය 05ක් පමණ වසා පසෙකින් තබන්න. දැන් ඝනකම් රෙදි කැබැල්ලක් ගෙන බොත්තම් කාසයක් මසා එයට සාදා ගත් පිටි මිශ්‍රණයෙන් එකක් දමා ගන්න. තෙල් ලිප තබා රත් කරන්න. දැන් පිටි මිශ්‍රණය දමා ගත් රෙදි කැබැල්ල මිරිකමින් රත්වූ තෙලට වළලු ආකාරයට පිටි රවුම් වත් කරමින් බැද ගන්න. ඒ අතරතු පැණි ටික ළිප තබා ඉතාම මඳ ගින්නේ රත් වන්නට හරින්න. පිටි-වළලු බැඳ ගත් විගසම පැණි භාජනයකට දමා හො ඳින් උරාගත් පසු මුට්ටියක අසුරා ගන්න.
