පොල් වණ්‌ඩු
අවශ්‍ය ද්‍රව්‍යය :
- හාල් පිටි ග්‍රෑම් 250
- තිරිගු පිටි ග්‍රෑම් 50
- යීස්‌ට්‌ තේ හැඳි 1
- සීනි මේස හැඳි 1
- ලූණු තේ හැඳි 1/2
- බටර් මේස හැඳි 2
මේ සියල්ල එකට අනා රොටි මිශ්‍රණයක්‌ පදමට ආ විට විනාඩි 40 ක්‌ පසෙකින් තබන්න.
අවශ්‍ය ද්‍රව්‍යය :
- සිහින්ව ගාගත් පොල් ග්‍රෑම් 150
- කරදමුංගු 1
- කරාබු නැටි 1
- කුරුඳු පොතු කැබැල්ලක්‌
- පැනි කෝප්ප 2
- දෙහි ලෙලි කැබලි ස්‌වල්පයක්‌
පොල්වලට ඉතිරි සියල්ල දමා මලවාගන්න. එයද පසෙකින් තබන්න.
අවශ්‍ය ද්‍රව්‍යය :
- කජු ග්‍රෑම් 50 (කුඩාවට කපා)
- වියළි මුද්දරප්පලම් ග්‍රෑම් 75
- රට ඉඳි ග්‍රෑම් 75
- බේකිං පවුඩර් මේස හැඳි 1
- බිත්තර 2
සාදා ගන්නේ මෙහෙමයි :
මුලින් ම අනාගත් පිටි මෝලියට බේකිං පවුඩර් හැර, පැණි පොල් මිශ්‍රණය සහ පලතුරු, බිත්තර එකතු කරන්න. මෙය තරමක්‌ දියාරුයි. තැටියක්‌ ගෙන එයට කෙසෙල් කොළ දමා උඩින් තෙල් කඩදාසියක්‌ දමා ගන්න. දැන් බේකිං පවුඩර් ද ඉහත මිශ්‍රණයට දමන්න. දැන් එය සූදානම් කරගත් තැටියට දමා තුනී කරන්න. උෂ්ණත්වය සෙල්සියස්‌ අංශක 150, විනාඩි 45 ක්‌ පුළුස්‌සා ගන්න. මෙය පාට මදි කියා හිතෙනවා නම් සීනි ටිකක්‌ කරකර එකතු කරගන්න.
