මස්කට්
අවශ්‍ය ද්‍රව්‍යය :
- තිරිගු පිටි ග්‍රෑම් 250
- එළඟිතෙල් ග්‍රෑම් 250
- සීනි කිලෝ ග්‍රෑම් 1
- වතුර ලීටර් 1
- බිත්තර සුදු මද 1
- දෙහි යුෂ තේ හැඳි 1
- රෝස එසන්ස් තේ හැඳි 1/2
සාදා ගන්නේ මෙහෙමයි :
පිටිවලට වතුර දමා රොටි පදමට අනාගන්න. වතුර ටික ටික දමා වතුර පෙරා හරිමින් නැවත දිය කරන්න. මෙය නිවැරදිව සිදු කළ විට පිටි ඉවත් වී කොහොල්ලෑ ගුලියක් මෙන් කොටසක් ඉතිරි වේ. එය ඉවත් කරන්න. සෝදමින් ගත් වතුර ටික පැයක් පමණ තබන්න. එහි පිටි යටට බැස තිබේවී. උඩ ඇති වතුර ඉවත් කරන්න.
තාච්චුවක් ගෙන බිත්තර සුදු මදය හා දෙහි දමා තාච්චුවේ හොඳින් තවරන්න. සීනි ද එකතු කරන්න. එය උතුරන්න හරින්න. ගින්දර අඩුකරන්න. උඩට එන පෙන ඉවත් කරන්න. සීනි ටික පෙරාගෙන එයට සෝදාගත් පිටි එකතු කරන්න. හොඳින් උකුවන තුරු හැඳි ගාමින් පිසගන්න. බෝලයක් මෙන් එකට එකතු වේවි. එළඟිතෙල් ටික ටික දමමින් හොඳින් කලවම් කරමින් පිසගන්න. පිටි මිශ්‍රණයට තෙල් උරාගත් පසු තෙල්, තාච්චියේ ඉතුරු වේවි. එවිට තෙල් දැමීම නවත්වන්න. රෝස වතුර එකතු කරන්න. ලිපෙන් ඉවතට ගෙන තැටියකට දමා තබන්න. නිවුනාට පසු කැබලි කපාගන්න.
