කොකනට් ස්නෝ බෝල්ස්

කොකනට් ස්නෝ බෝල්ස් පොඩ්ඩන් අතර ඉතාම ජනප්‍රිය රසකැවිල්ලක්. විශේෂයෙන්ම නත්තල් කාලයෙදී නම් ගෙවල්වල මේ කොකනට් ස්නෝ බෝල හදන්න අමතක කරන්නෙම නැහැ.

අවශ්‍ය ද්‍රව්‍ය : 

• ග්‍රෑම් 390ක උකු කිරි ටින් එකක්,
• ගාගත් පොල් ග්‍රෑම් 325ක්
• වැනිලා එසන්ස් මේසහැඳි 1ක් 

පොල් ග්‍රෑම් 325න් වෙනම පොල් ග්‍රෑම් 50ක් වෙන්කර පසෙකින් තබාගන්න. ඉතිරි පොල් සෝස්පෑන් එකකට දමා ටින්කිරි සමඟ මිශ්‍ර කරමින් මිශ්‍රණය තැටියෙන් ගැලවෙන තෙක් මිනිත්තු 5ක් පමණ මඳ ගින්නේ පිසගන්න. එයට වැනිලා එසන්ස් එකතුකර නැවත මිශ්‍ර කරන්න. දැන් ළිප නිවා මිශ්‍රණය සිසිල් වෙන්න තබන්න. දැන් එම මිශ්‍රණයෙන් කුඩා බෝල සකසා ගන්න. බෝල සකසා ගැනීමේදී අත්වල තෙල් තවරා ගත යුතුය. බෝල මත ඉතිරි පොල් ටික තවරා ගෙන පිළිගන්වන්න.

උපුටා ගැනීම තරුණී