වැලි තලප
අවුරුදු කාලෙට විතරක් නෙවෙයි. කවදත් ඔබ වැලිතලප රස විදින්න කැමතියි. මේ අවුරුදු මේසයට ඔබම වැලි තලප සකසා ගන්න.
අවශ්‍ය ද්‍රව්‍ය :
- කැකුළු හාල් පිටි කිලෝ 1
- පැණි බෝතල් 1
- වැනිලා සහ ලුණු ස්වල්පයක්
- පොල් ගෙඩි ½
- කරදමුංගු ස්වල්පයක්
සාදා ගන්නා ක්‍රමය :
හාල් පිටි හොදින් හලා ගා ගත් පොල් ලුණු හා කලවම් කර කැටි කරන්න. වතුර ටික ටික ඉසිමින් හීනි කැටි වනතුරු සාදාගත් පිටි බම්බුවක ආධාරයෙන් පිට්ටු සාදා ගන්න. පසුව පිට්ටුව හොදින් පොඩි කර පදමට උණු කර ගත් පැණි, කරදමුංගු දමා බදුනේ ඇල්ලීමට නොදි හැදි ගාගන්න. පදමට ආ විට එය තැටියට දමා කෙසෙල් කොළයයකින් තුනී කර කෑලි කපා ගන්න.
