කොකිස්
ලොකු පොඩි කවුරුත් ආසම කොකිස් රසවත් ලෙස හදා ගන්න කවුරුත් කැමතියි. මේ අවුරුදු මේසයට නැතුවම බැරි කොකිස්.
අවශ්‍ය ද්‍රව්‍ය :
- හාල් පිටි සේරු ½
- පොල් කිරි කෝප්ප 2
- බිත්තර 2
- කහ ස්වල්පයක්
- ලුණු
- සීනි මේස හැදි 2
- පොල් තෙල්
සාදා ගන්නා ක්‍රමය :
භාජනයකට පිටි, සීනි, ලුණු පොල් කිරි දමා මෘදු තලපයක් හදා ගන්න. බිත්තර හොදින් ගසා හයට පිටි එක්කරන්න. එයට ඉතිරි පොල් කිරි හා කහ දමා උකුවනතුරු හැදිගා ගන්න. තෙල් තාච්චිය ලිප තබා තෙල් රත් වන විට කොකිස් අච්චුව දමා රත් වෙන්නට තබන්න. ඉන් පසු අච්චුව මිශ්‍රණයේ ඔබා තෙලේ බැද ගන්න. මෙය හොදින බැදුනු පසු තෙලේ ඉවත් කර නිවෙන්නට හරින්න.
