බුරියානි
අවශ්‍ය ද්‍රව්‍යය :
- සම්බා හාල් කිලෝ 1
- එළුමස් රාත්තල් 2
- එළගිතෙල් රාත්තල් 1/4
- රතු ළූණු රාත්තල් 1/4
- කහ ස්වල්පයක්
- කුරුදු පොතු කැබැල්ලක්
- එනසාල් හා කරාබු නැටි
- රම්පේ කැබැල්ලක්
- කරපිංචා
- ලුණු
සාදා ගන්නේ මෙහෙමයි :
එළුමස් කුඩා කැබලි වලට කපා තම්බා ගන්න. එළඟි තෙල් ලිප තබා කපා ගත් ළූණු වලින් කොටසක්ද රම්පා හා කරපිංචා දාලා රන්වන් පාට වන තුරු බදාගන්න. සෝදා ගත් සහල් ඊට මිශ්‍ර කර හොදින් කුරු ගාන්න. මස් තම්බා ඉතිරි වූ වතුර දමා (මදිනම් උණු වතුර ටිකක් දමන්න.) කහ හැර ඉතිරි ද්‍රව්‍ය දමා තැම්බෙන්න හරින්න. බත් තම්බුනාට පසුව ඉන් බාගයක් ඉවතට ගෙන කහ ස්වල්පයක් දමා පාට කරගෙන ඉතිරි බත් සමග මිශ්‍ර කරන්න. (බුරියානි සදහා ගත යුතු මස් වර්ගයක් ඇත. එය ගන්නවා නම් වඩා යෝග්‍යයි.)
