චොක්ලට් ෆජි බ්‍රව්නීස්
කොහොමද යාලුවන‍ේ? ගොඩාක් කාලෙකින් රෙසිපියක් දාන්න බැරි වුන නිසා අද මං අරගෙන ආවේ ඉතාමත් රසවත් dessert එකක්. මේක මං හැදුවේ මගේ නෑනාගේ birthday එකට..;) මේක නම් ඇත්තටම රසයි. ඒ නිසාම මම හිතුවා මේක ඔයාල‍ා එක්ක බෙදා ගන්න ඕන කියලා. ෆජ් කියන්නේයි බ්‍රව්නීස් කියන්නේයි වර්ග දෙකක්. මේ දෙකේම එකතුවක් ලෙස තමයි chocolate fudgy brownies dessert එක හදන්නේ.ඉදිරියේදි මම ෆජ් හදන හැටිත් බ්‍රව්නීස් හදන හැටිත් කියන්නම්..
ingredients
melt කල චොක්ලට් අවුන්ස 4
කැබලි කඩාගත්ත චොක්ලට් අවුන්ස 4
melt කල බටර් කෝප්ප 3/4
සීනි කෝප්ප 1 1/4
බිත්තර 2
වැනිලා 2tsp
පිටි කෝප්ප 3/4
කොකොවා පවුඩර් 1/4
කෝප්ප ප්‍රමාණ ගද්දි මම නම් ගත්තේ අඩු කෝප්ප වලින්. පළමුවෙන්ම දිය කරගත් බටර් හා සීනි beat කරන්න. එයට බිත්තර දෙකත් දමා යලිත් හොදින් beat කරන්න. එය හොදින් කලවම් වූ පසු එයට වැනිලා එක් කරගන්න. දැන් එයට melted chocolate එක් කරගෙන හොදින් කලවම් කරන්න. මතක තියා ගන්න beat කරන්න එපා. හැන්දකින් කලවම් කරගන්න. ඉන්පසු එයට පිටි හා කොකොවා පවුඩර් එක් කර පිටි දියවෙනතුරු හොදින් කලවම් කරන්න. අවසානයේ කඩාගත් චොක්ලට් කැබලි එකට එක්කර oil paper දැමූ තැටියක මෙය දමා 180C/ 350F මිනිත්තු 20-25 ක් බේක් කරගන්න..
