බැදගත් කොහිල අල, දළු සලාදයක්

අවශ්‍ය ද්‍රව්‍ය : කොහිල අලයක් හා කොහිල දළු ටිකක් රතුළූණු අමු මිරිස් දෙහි යුෂ උම්බලකඩ පොල්තෙල් ගම්මිරිස් කුඩු හා ලුණු අවශ්‍ය පමණට බැදගැනීමට පොල්තෙල් සාදා ගන්නා ක්‍රමය : කොහිල අල පොත්ත ගසා සුද්දකරගන්න. කොහිල දළුවල කටුටික රැහැගෙන සෝදා හරින්න. දැන් කොහිල අලය සිහින්ව කපාගන්න. එය ගැඹුරු තෙලේ දමා රන්වන් පැහැ වන්නට බැදගන්න. කොහිල දළු ටිකද ටිකක් ලොක් කැබලි වලට කඩා එයද ගැඹුරු තෙලේ බැදගන්න. රතුළූණු හා අමුමිරිස් සිහින්ව ලියාගන්න. හොදට තෙල් බේරුණු පසු බැදගත් කොහිල අල හා දළු භාජනයක දමන්න. දැන් එයට ගම්මිරිස් කුඩු ඉසින්න. ලුණු කුඩුද මිශ්‍රකරන්න. රතුළූණු අමුමිරිස් කැබලි, දෙහියුෂ දමා හොදට කලවම්කර ගන්න. මෙය අර්ශස් අමාරුවට ගුණදායක කෑමකි.