කටු අනෝදා තියඹලාව

අවශ්‍ය ද්‍රව්‍යය : තරමක් ලොකු අමු කටු අනෝදා ගෙඩි 1 ඉඟුරු කැබැල්ලක් ගාගත් ‍පොල් ග්‍රෑම් 150 රතුලූනු ගෙඩි 5 යි අමු මිරිස් කරල් 04 සුදුලූනු බික් 4 අබ ඇට තේ හැඳි 01 සූදුරු කුඩු තේ හැඳි 1/4 කුරුඳු කුඩු තේ හැඳි 1/4 එනසාල් ඇට 02 කරාබුනැටි 02 රම්පේ, කරපිංචා අවශ්‍ය පමණ තුනපහ කුඩු තේ හැඳි 02 ගම්මිරිස් කුඩු තේ හැඳි 01 සාදා ගන්නේ මෙහෙමයි : පළමුව කටු අනෝදා ගෙඩියේ ‍පොතු ඉවත් කර කුඩා කැබලිවලට කපා, ඇට ඉවත් කර ඒවා වළඳකට දමා ලුණු සහ කහ එක්කර වතුර ස්වල්පයක් දමා තම්බා ගන්න. පොල්, ඉඟුරු, අමුමිරිස්, සුදුලූනු, අබ, සූදුරු, කුරුඳු, එනසාල්, කරාබු නැටි, තුනපහ සහ ගම්මිරිස් එකට එක්කර හොඳින් අඹරා ගන්න. රතුලූනු සිහින්ව කපාගන්න. දැන් අඹරාගත් ද්‍රව්‍ය සහ රතුලූනු සහ කටු අනෝදා බඳුනකට දමා හොඳින් කලවම් කර ගින්දර අඩුකර වසා තම්බා ගන්න.