මැලේ අච්චාරු

අවශ්‍ය ද්‍රව්‍ය : රටඉඳි ග්‍රෑම් 200 රතුලූනු ග්‍රෑම් 150 කැරට් ග්‍රෑම් 100 මාළුමිරිස් ග්‍රෑම් 150 හොඳින් පැසුණු ඇඹ‍රැල්ලා ගෙඩියක් කුඩා අන්නාසි ගෙඩියක් අඹරාගත් සුදුළුෑණු බික් 8 ඉගුරු කැබැල්ලක් මිරිස් කුඩු මේස හැඳි 2 විනාකිරි කෝප්ප 1/2 අඹරාගත් අබ මේස හැඳි 1 සීනි මේස හැඳි 4 අවශ්‍ය පමණ ලුණු සාදන ක්‍රමය : රටඉඳි වල ගෙඩි 5 - 6 ක ඇට හැර කුඩාවට කපන්න. ඉතිරි ටික ඇට හැර අඹරා ගන්න. මෙය මැටි බඳුනකට දමා එයට විනාකිරි කෝප්ප 1/2 ක් වතුර කෝප්ප 1/4 ක්, අඹරාගත් අබ , ඉගුරු , සුදුළුෑණු , ලුණු මිරිස් කුඩු , සීනි දමා තරමක් උකු සෝස් එකක් වන ලෙස උණුකර ගන්න.මෙය ලිපෙන් බාන්න. ඉන්පසු එයට කපාගත් කැරට් , මාළුමිරිස් , අන්නාසි අඹ‍රැල්ල , රටඉඳි එකතු කර ගන්න. මෙහිදි කපාගත් රටඉඳි වෙනුවට වියළි මිදි එකතු කිරීමට පුළුවනි. මෙය හොඳින් මිශ්‍රකර වසා දිනක් පමණ තිඛෙන්නට හැර කෑමට ගන්න.