ඉන්දියානු රසට කඩල කරියක්
අවශ්‍ය ද්‍රව්‍ය :
- කඩල කෝප්ප 02
- කුඩා තක්කාලි ගෙඩියක්
- ලියාගත් රතු ලූණු ගෙඩි 5
- තලාගත් සුදු ලූණු බික් 2
- අමු මිරිස් කරල් 2ක් ඇලයට කපාගන්න
- අමු තුනපහ තෙ හැඳි1
- ගරම් මසාලා කුඩු තේ හැඳි 1/2
- කහ කුඩු තේ හැඳි 1/2
- අබ තේ හැඳි 1
- උලු හාල් ස්වල්පයක්
- කුරුදු කැබැල්ලක්
- මිටිකිරි හා දිය කිරි කෝප්ප 1 බැගින්
- රම්පේ කරපිංචා
- තෙල්
- රස අනුව ලුණු
සාදන ආකාරය :
කඩල තම්බා ගන්න. පෑන් එකක් ලිප තබා තෙල් ස්වල්පයක් එක්කර ගන්න. එය රත්වන විට අබ,සුදු ලූණු, රතු ලූණු , රම්පේ කරපිංචා දමා බැදෙන්නට හැර තෙල් බේරා වෙනම තබාගන්න. කඩල ටික දිය කිරි සහ ඉතිරි ද්‍රව්‍ය එකතුකර ලිප තබන්න. දියකිරි හිදීගෙන එනවිට මිටිකිරි එක්කරන්න. කරිය උතුරන විට පෙර සකස්කරගත් තෙම්පරාදුව එක්කරන්න. යෝගට් මේස හැන්දක් හෝ පොඩිකර ගත් කඩල මේස හැන්දක් එක් කිරීමෙන් කරිය උකු කරගත හැකිය.
