වකුගඩු රෝගයට ගුණදෙන කැකිරිවලින් රසැති කෑම - කැකිරි ව්‍යංජනය (කැකිරි ඇඹුල)

අවශ්‍ය ද්‍රව්‍ය :

• කැකිරි 500g
• ගා ගත් පොල් ගෙඩියක පොල්
• මිරිස් කුඩු මේස හැඳි 2 1/2
• කහ කුඩු තේ හැඳි 1/2
• ගම්මිරිස් කුඩු තේ හැඳි 1/2
• තුනපහ කුඩු තේ හැඳි 1
• කුරුඳු පොතු කැබලි 2
• අවශ්‍ය ප්‍රමාණයට ලුණු කුඩු
• කරපිංචා ඉති 2
• රම්පෙ කොළ කැබලි 2
• ගොරක බික් 2
• රතුළූණු ගෙඩි 5
• සුදුළූණු ගෙඩි 5

සාදන ආකාරය :

කැකිරි ඇට ඉවත් කර කුඩා කැබලිවලට කපා මිරිස් කුඩු, කහ කුඩු, තුනපහ කුඩු, කුරුඳු පොතු, ලුනු, කරපිංචා, රම්පෙ, ගොරකා, රතුළූණු කුඩාවට ලියා සුදුළූණු කුඩාවට ලියා සියල්ල හොඳින් මිශ්‍ර කර අනා පැය 1/2 පමණ වසා තබන්න. පසුව ගා ගත් පොල් මිරිකා දියකිරි සහ මිටිකිරි සියල්ල කැකිරි මිශ්‍රණයට දමා මඳ ගින්නේ හොඳින් තම්බාගන්න. තෙල් පෑදී තැම්බුණු පසු ලිපෙන් බා ගන්න.