කැකිරි නියඹලාව

අවශ්‍ය ද්‍රව්‍ය :

• කැකිරි ග්‍රෑම් 500
• ගා ගත් පොල් ග්‍රෑම් 50
• කුරුඳුපොතු කැබලි 2
• කරපිංචා ඉති 2
• කහ කුඩු තේ හැඳි 1
• තුනපහ කුඩු තේ හැඳි 1/2
• රම්පෙ කොළ කැබලි 1
• දියකිරි අවශ්‍ය ප්‍රමාණයට (කැකිරි තැම්බීමට)
• මිටිකිරි අඩු කෝප්ප 1/2
• ලුනු කුඩු අවශ්‍ය ප්‍රමාණයට
• සුදුළූණු බික් 5
• අමුමිරිස් කරල් 5 

සාදන ආකාරය :

කැකිරි කුඩා කැබලිවලට කපා එයට කහ කුඩු අවශ්‍ය ප්‍රමාණයට ලුණු කුඩු ද දමා දියකිරෙන් තම්බා ගන්න. තැම්බුණු පසු පොල් මිශ්‍රණය දමා හොඳින් කවලම් කර ස්වල්ප වේලාවක් ලිප තබා ලිපෙන් බා ගන්න. තෙල් මිශ්‍රණය සාදන ආකාරය ගා ගත් පොල්වලට කරපිංචා, තුනපහකුඩු, රම්පෙ කොළ, සුදුළූණු, අමුමිරිස් සියල්ල එකට දමා මිටිකිරිවල මිශ්‍ර කර සියල්ල හොඳින් බ්ලෙන්ඩර් කරගන්න.