හෙළ රස රුහුණේ මාළු ඇඹුල් තියල්

අවශ්‍ය ද්‍රව්‍ය :

• රතු මාළු කිලෝ 01
• ගම්මිරිස් ඇට ග්‍රෑම් 50
• ගොරකා මේස හැඳි 01
• මිරිස් තේ හැඳි 01
• අමු කුරුඳු කොළ 10
• තෙල් මේස හැඳි 02
• කරපිංචා කිනිති 02
• රස අනුව ලුණු

සාදාගන්නා ආකාරය :

* මැටි ඇතිලියක් ගන්න. එය වටා පිළිවෙළට කුරුඳු කොළ අතුරා ගන්න.

* එය මතුපිටට කරපිංචා කිනිති නටුව ද සමඟ අතුරන්න.

* ගම්මිරිස්, ගොරකා, මිරිස් ලුණු හොඳින් අඹරන්න.

* අඹරා ගත් මිශ්‍රණය සෝදා පිරිසිදු කර කැබලිවලට කැපු මාළුවලට කලවම් කරන්න.

* අතුරා ගත් කුරුඳු කොළ කරපිංචා තිබෙන ඇතිලියට මාළු කැබලි අතුරා ගන්න.

* මිශ්‍රණයේ ඉතිරි බොර හා තෙල් ද මාළු කැබලිවල දැවටෙන සේ එකතු කරන්න.

* මැටි පියනකින් වසා පොල්කටු අඟුරු පියන මත තබන්න.

* කුරුඳු දර දැමු ලිපක් මත තබා පිසගන්න. සැලකිය යුතු කරුණු - ගොරකා, ගම්මිරිස්, මිරිස්, කැට ලුණු සියල්ලම මාළුවලට අතගා පැය භාගයක් පමණ ලුණු ඇඹුල් ඇල්ලීමට තැබීම වඩාත් සුදුසුයි.