පොළොස් චට්නි

අවශ්‍ය ද්‍රව්‍ය :

• තරමක පොළොස් ගෙඩියක්
• විනාකිරි අඩුකෝප්ප 1/4
• කුඩා අමු ඉගුරු කැබැල්ලක්
• සුදුළූනු බික් 5ක්
• අබ ටිකක්
• කරාබු නැටි 2-3ක්
• කරදමුංගු ඇට 02ක්
• කුරුදු පොතු කැබැල්ලක්
• කෑලි මිරිස් මේස හැඳි 1
• රතුළූනු ග්‍රෑම් 50
• සීනි ග්‍රෑම් 250
• ලුණු රසට අනූව

සාදා ගන්නා ක්‍රමය :

පොළොස් ගෙඩිය සෝදා දෙකට හෝ හතරට පලා හොදින් මෘදු වන තුරු තම්බා ගන්න. දැන් දිය බේරා හැර වහල්ල, කටුව ඉවත් කර සිහින් කැබලි වලට කපා ගන්න. රතුළූනු ටික සිහින්ව ලියා ගන්න. ඉගුරු, සුදුළූනු, අබ, විනාකිරෙන් අඹරා ගන්න. දැන් මැටි භාජනයක් ගෙන එයට සීනි, විනාකිරි, ලුනු, සුදුළූනු, විනාකිරෙන් අඹරා ගත් අබ, ඉගුරු දමා ලිප තබන්න. රසට අනූව ලුණු ද එකතු කරන්න. දැන් සිහින්ව කපා ගත් පොළොස්ද දමා මද ගින්නේ පිස ගන්න. ඉස්ම හිදී පදම ආ විට ලිපෙන් බා ගන්න. නිවෙන්නට හැර වියළි බෝතල් වල අසුරා ගන්න. කල් තබා ගෙන භාවිතයට ගත හැකිය.