හාල් මැස්සන් අච්චාරු
අවශ්‍ය ද්‍රව්‍ය :
- වියළි හාල්මැස්සන් ග්‍රෑම්100
- රතුලූනු ග්‍රෑම් 100
- විනාකිරි මිලි ලීටර් 25
- අබ ඇට තේ හැඳි 2
- අමුමිරිස් කරල් 10ක් පමණ
- සියඹලා යුෂ මේස
- හැඳි 2ක්
- ලුණු රසට අනුව
- සීනි තේ හැඳි 1
- තෙල් අවශ්‍ය තරමට
- සුදුලූනු බික් 2ක්
- කුඩා ඉඟුරු කැබැල්ලක්
- තක්කාලි ගෙඩියක්
සාදන ආකාරය :
හාල්මැස්සන් ඔළු කඩා ඉතා හොඳින් පිලී යන ලෙස සෝදා හැකිනම් අව්වේ වියළා ගන්න. දැන් රතුලූනු සුද්ද කර ගෙඩි පිටින්ම හොඳින් දිය බේරා ගන්න. අමු මිරිස් වෙන් නොවන සේ දෙකට පලා ගන්න.
දැන් හාල්මැස්සන් රත්වූ ගැඹුරු තෙලට දමා රන්වන් පාටට බැද ගන්න. තෙල් බේරෙන්නට තුනී කර තබන්න. රතුලූනු, අමුමිරිස් රත්වූ තෙලට දමා උණු ගස්වා ගන්න. දැන් සුදුලූනු, ඉඟුරු, අබ, විනාකිරි වලින් අඹරා ගන්න. තෙල් ටිකක් මැටි ඇතිලියකට දමා ලිප තබන්න. රත්වන විට අඹරාගත් මිශ්‍රණය දමන්න. ලුණු, සීනි එකතු කරන්න. දැන් බැදගත් හාල්මැස්සන් ලූනු, අමුමිරිස් කලවම් කර කෑමට ගන්න.
