චීස් කේක්
අවශ්‍ය ද්‍රව්‍ය :
- ජෑම් ග්‍රෑම් 100
- සීනි ග්‍රෑම් 90
- කජු ග්‍රෑම් 100
- මාගරින් ග්‍රෑම් 90
- අඹරාගත් කජු ග්‍රෑම් 250
- පිටි කිරි මේස හැදි 4
- වැනිලා මේස හැදි 1
- බිත්තර 1
පේස්ට්‍රිය සදහා අවශ්‍ය ද්‍රව්‍ය :
- පිටි ග්‍රෑම් 300
- මාගරින් ග්‍රෑම් 150
- කෝන්පිටි ග්‍රෑම් 50
- සීනි මේස හැදි 3
- බිත්තර කහ මද 1
- ලුණු ස්වල්පයක්
සාදා ගන්නා ක්‍රමය :
මුලින්ම පිරවුම සාදා ගන්න. ඒ සදහා සීනි හා මාගරින් එකට දමා හොදින් බීට් කර ගන්න. ඉන්පසු බිත්තරය අඹරා ගත් කජු හා වැනිලා සමඟ කිරි එකතු කර හොදින් කලවම් කරන්න. දැන් පේස්ට්‍රි රවුම මත ජෑම් හැන්ද බැගින් දමා ජෑම් වැසෙන සේ සාදා ගත් මෙම පිරවුම ටිකටික දමන්න.පේස්ට්‍රි මිශ්‍රනයෙන්ම තීරු කපා පිරවුමට උඩින් කතිර හැඩයට තබා ඒ මත කජු අතුරන්න. මේවා බටර් තැවරූ තැටියක දමා සෙ.180˚ ක උෂ්නත්වයේ විනාඩි 25 පමණ බේක් කර ගන්න.
පේස්ට්‍රිය සාදා ගන්නා ක්‍රමය :
පිටි කෝන්ෆ්ලවර් එකට කලවම් කර තුන්වරක් හලා ගන්න. මෙයට බිත්තර කහ මදය, ලුණු හා මාගරින් දමා වතුර දමමින් අතේ නොඇලෙන පදමට මෝලිය සාදා ගන්න.දැන් අඟල් තුනේ පමණ විශ්කම්භය ඇති රවුම් සහ තීරු කපා ගන්න.
