අපි දෙවියන්ගේ දරුවෝ
දේවාලෙට යන පාරේ කඳ සුරිඳුන් පිහිට වෙනවා
අපි දෙවියන්ගේ දරුවෝ එනිසා කුස ගිනි නිවෙනවා
ඔබ සතයක් නුදුන්නොතින් කඳ කුමරුන්ටත් පෙනෙනෙවා
අනේ නෝනා මහත්තයෝ අපෙ කරුමෙට සමා දෙනවා//
අම්මා මඩ තවරාගෙන වැව් ඉවුරේ මල් නෙලනවා
අක්කා ඒ මල් තියාන කිරි වෙහෙරේ හ~ තලනවා
ඔබ දෙන රුපියලක් ගානේ අපේ බඩ වියත රැකෙනවා
අප්පච්චි උඩ ඉඳ ගෙන අපේ කඳුළු වැල් පිසිනවා
දේවාලෙට යන පාරේ//
උදේට ඉස්කෝලේ ලඟ වැටුනු අකුරු ඇහිදිනවා
හවසට ගණ දේවාලේ දෙවියන් වෙත දුක කියනවා
මැණික් ගෙඟ් දිය පහරට අපේ කඳුළු එක් කරනවා
ඒ කඳුලින් දිය පතුලේ ඇති මිණි කැට ඔප කරනවා
දේවාලෙට යන පාරේ//
"ස්වර්ණ පන්හිඳ"
කේ. එම්. එස්. කුමාර,
සංස්කෘතික නිළධාරී,
ප්‍රාදේශීය ලේකම් කාර්යාලය.
කතරගම.
