යමි දුරක නුඹ රැගෙන....

මල් පෙති තෙමෙන - පිණිකැට ඉහෙන සුදු සඳ නොනැඟි කළුවර රැයක හදවත කියන - සිහිනෙක හිඳින නුඹෙ වත දුටිමි පුරහඳ විලස.... මව මව සිහින - තනි මඟ ගෙවුන දිවියට මගේ නුඹමය රැජින පෙම් මල් පිපෙන - සුන්දර සිහින විමනක තනිව අපි ඉමු මෙලෙස.... සිත තුළ නැගෙන - සමනළ සිහින රන් සළු රැගෙන සුදුමුව වසන මා ලොව දිනන - දිනකදි පැමිණ ගෙනයමි නුඹව සුරඟන විලස... පැතුමන් පිරැණ - සුදු සඳ නැගුණ ලස්සන දිනකි අද අපෙ ලොවට හදවත නඟන - සෙනෙහස විඳින මම යමි දුරක නුඹවත් රැගෙන... (සිහින)