එතකොට මට මොකද වෙන්නෙ?
බන්දුල රැකියාවට යන ගමන් බෞද්ධාලෝක මාවතේ මාර ගසක් යට සිටි සිඟන්නෙකු හට යම් මුදලක් දීමට පුරුදුවී සිටියේය. දිනක් ඔහු හිඟන්නාට මුදල් දී යැමට සැරසෙද්දී හිඟන්නා තම කටහඬ අවදි කළේය.
“මට හොඳටෝම මතකයි මහත්තයා මට මුලින්ම දුන්නෙ රුපියල් 2 ක්. ටික කාලෙකට පස්සෙ ඒ රුපියල් දෙක රුපියලක් වුණා. දැන් ඒ රුපියල, සත පනහට බැහැලා. මොකද ඒ?”
බන්දුල සිනාසී මෙසේ කීවේය. “මම මුලින් ම ඔහේට රුපියල් දෙකක් දුන්නෙ මම තනිකඩයා කාලෙ. කසාද බැන්දයින් පස්සෙ වියදම් වැඩිවුණු හින්දා මම ඔහේට රුපියලක් දුන්නා. දැන් මට ළමයි තුන් දෙනෙක්. ඒ හින්දයි සත 50 ක් දෙන්නෙ.”
දැන් එතකොට මහත්තයා ගෑනිට, ළමයින්ට වියදම් කරන්නෙ මට දෙන සල්ලි පිරිමහලද?” සිඟන්නා කෝපයෙන් මෙන් ඇසීය.
