ගැහැව්වේ ඔහේටයැ
පාරේ යමින් සිටි සරණපාල හදිසියේම දුටුවේ පාසල් සමයේ තම අඹ යහළුවකු වූ සිරිපාල ඉදිරියෙන් යමින් සිටින බවය. බොහෝ කලකට පසු තම පැරණි මිතුරා දැකීමෙන් පී්‍රතියෙන් පිනා ගිය හෙතෙම වහා දිව ගොස් තම මිතුරාගේ පිටට වැරෙන් පහරක් ගැසීය. දිරියෙන් ගිය තැනැත්තා තිගැස්සී, වහා පිටුපස හැරී බැලුවේ කෝපයෙන් මුහුණ අඳුරුකර ගනිමිනි. ඒ සිරිපාල නොවේ. නන්නාඳුනන අයෙකි. ලැජ්ජාවට පත් සරණපාල බයාදු ලෙස සිනාසී මෙසේ කීවේය.
"අනේ වෙරි සොරි මම හිතුවේ ඔහේ මගෙ අඹ යාළුවා, සිරී කියල."
"යාළුවෙකුට වුණත් එහෙම හෙණ ගහනවා වගෙ ගහනවද ඕයි!" අනෙකා කීවේ වේදනාවෙන් පිට අතගාමිනි.
"හරි වැඩක් නේ... මම ගැහැව්වේ අපේ සිරීටනෙ." සරණපාල නොරිස්සුමෙන් හිස ගස්සා කීවේය.
