මැරුණු දවස

එය ප්‍රශ්න විචාරාත්මක වැඩසටහනකි. පළවැනි ප්‍රශ්නයට නිවැරදි පිළිතුරු දීමට සමත් වුවහොත් රු.500 ක ත්‍යාගයක් ලබන තරගකරු එතැන් සිට ක්‍රම ක්‍රමයෙන් මුදලින් වැඩි තෑගි ලබා 5 වැනි ප්‍රශ්නයේදී රුපියල් පන්දහසක ත්‍යාගයක් ලැබීම එම වැඩසටහනේ ස්වභාවය විය. කීර්ති එම වැඩසටහනට සහභාගී වූයේ කෙසේ හෝ පන්දහසින් බැඳි පියල්ල දිනා ගන්නෙමැයි දැඩි අධිෂ්ඨානයෙනි. ඔහු හතරවැනි ප්‍රශ්නය දක්වා පිළිතුරු දුන්නේ හොඳ කල්පනාවෙනි. ඒ දක්වා ප්‍රශ්නවලට සාර්ථකව පිළිතුරු සැපයූ කීර්ති 5 වැනි ප්‍රශ්නයට මුහුණ දුන්නේ ය.

"එංගලන්තයේ කීර්තිමත් රාජ්‍ය නායකයෙකු වූ සර් වින්සන්ට් චර්චිල් මිය ගියේ කවදා ද?" වැඩසටහන මෙහෙයවන්නා ගැඹුරු ස්වරයෙන් විමසද්දී මොහොතක් සිතුවිල්ලේ පසු වූ කීර්ති මෙසේ පිළිතුරු දුන්නේය.

"ඔහුගේ අවමංගල්‍ය උත්සවයට දවස් තුනකට කලින්"