මං දන්නවා

සිංහල අවුරුදු දිනවල තම නිවෙසට ආ නෑදෑ හිතවතුන් ගෙන ආ චොක්ලට් තම දියණි විනුදි කෙළවරක් නැතිව කනවා දුටු ආශා ඇයට තරවටු කරමින් ‍මෙසේ කීවාය. “දුව, ඔය තරම් චොක්ලට් කන්ඩ හොඳ නෑ ළමයො. ඔන්න මම නං දන්නෙ නෑ, ඔයාගෙ බඩ හොඳටම ඉදිමෙයි” ඊට පසු දින විනුදිගේ බාප්පා වූ නිලංක, තම බිරිය මනෝරි ද සමඟ එහි ගියහ. නිවෙසට ඇතුළු වන ‍මනෝරිගේ ගැබ්බර කුස දෙස ඕනෑකමින් බැලූ කුඩා විනුදි සිනාසෙමින් මෙසේ කීවාය. “මං දන්නවා, මනෝරි පුංචිගෙ බඩ ඉදිමුණේ මොකද කියල”