සේවයක් නෙමෙයිද?
මාධ්‍යවේදීන් දෙදෙනකු තම පුවත්පත් කන්තෝරුවේ කොරිඩෝව දිගේ ඇවිද යමින් සිටියෝ ය. ඔවුන්ට මඳක් ඉදිරියෙන් යමින් සිටි තම කාර්යාලයීය සගයකු දුටු අරුණ මෙසේ කීවේ ය.
“පසුගිය කාලෙ හැම ටෙලිනාට්‍යයකම වගෙ ඔය අපේ සේනක පෙනී හිටියනෙ. ඒත් දැන් මිනිහා ඒවයෙ දකින්ඩ නැත්තෙ මොකද?”
“මට හිතෙන්නෙ අලුත් තනතුරේ වගකීම් එක්ක මිනිහට ටෙලිනාට්‍යවල රඟපාන්ඩ වෙලාවක් නැතුව ඇති.” උපාලි ඉදිරියෙන් ගමන් කරන සේනක දෙස බලා කීවේ ය.
“එහෙමනං මිනිහට ඔය තනතුර දීලා. අපෙ ලොක්කා ටෙලිනාට්‍ය කලාවට මාර සේවයක් නෙ කරලා තියෙන්නෙ” අරුණ සිනාසෙමින් කීවේ ය.
