රස්සාවක් මොකටද?

‘ඔය සැලුන් එකෙන් හම්බවෙන තුට්ටු දෙකෙන් මේ ගෙදර සුමේ කරන්ඩ ඔයාට පුළුවන්ද අනේ.’ පිටරට සිට පැමිණි පද්මිණී, කොණ්ඩය සකස් කරමින් සිටි තෙල්මාගෙන් ඇසුවාය.

‘ඇයි අපේ මහත්තයා, සුජිත්? එයත් ඉන්නවනෙ.’ තෙල්මා ආයාසයෙන් සිනා වෙන්නට උත්සාහ දරමින් කීවාය.

‘ඒ වුණාට ඔයාගෙ හස්බන්ඩ් රස්සාවක් කරන්නෙ නෑ නේද?’ පද්මිණී ඔලොක්කුවට මෙන් ඇසුවාය.

‘එයා ටයි එකක් එහෙම දාගෙන උදේට කාර් එකෙන් ගිහින් හවස ගෙදර එනකොට, ගෙදර වියදමට හරියන්ඩ ගතමනාවක් මොන ක්‍රමේකින් හරි හොයා ගෙන එනවනෙ. රස්සාවක් ඕනැ කරන්නෙත් ඉතින්, ඔය ටිකටනෙ පද්මිණී.’ තෙල්මා දෑස් නටවමින් කීවාය.