දෙවරක් පැරදීම
‘මොකද උඹ ඔය මූණ එල්ල ගෙන? ඇයි මොකද වුණේ?’ රොෂාන් ඇසුවේ තම මිතුරු චමිල හමුවූ අවස්ථාවකදීය.
‘මම අපරාදෙ, පෙරේදා රුපියල් 800/- ක් නැතිකර ගත්තා මචං.’ චමිල පසුතැවිලි වෙමින් කීවේය.
‘කොහොමද ඒක වුණේ?’ රොෂාන් ඇසුවේ කුහුලෙනි.
‘පෙරේදා ලංකාවයි, ඔස්ට්‍රේලියාවයි ගහපු ක්‍රිකට් මැච් එකේදි ලංකාව දිනනවා කියල මම රුපියල් 500/- ක් ඔට්ටු ඇල්ලුවනෙ.’ චමිල කීවේ කෝපයෙනි.
‘ඉතින් උඹ පැරදුණේ 500/- නෙ. එතකොට 800/- ක් නැතිකර ගත්තයි කිව්වෙ...’ රොෂාන් පුදුම වෙමින් ඇසීය.
‘ඇයි බං, ඊයෙ ඒ මැච් එකේ හයිලයිට්ස් ටීවී එකේ ගියානෙ. එතකොට ලංකාව දිනනවා කියලා මම තව 300/- ක් ඔට්ටු ඇල්ලුවනෙ.’ චමිල කීවේය.
