ෆ්රයිඩ් රයිස් කියන්නේ බත් කියලා දන්නවානම් මාත් කනවා.

දවසක් කොළඹ ඔෆිස් එකක වැඩකරන කෙනෙකුට තමන් එක්ක ගමේ පාසලේ ඉගෙනගත් ගමේ යාළුවෙක් හමු විය. මෙම යාළුවා ගමෙන් පිටට වැඩියෙ ගිය කෙනෙක් නොවීය. සැමදාම ගමට වී තමන්ගේ වතුපිටි වගාවන් බලා කියාගෙන ජීවත් වූ කෙනෙකි. අනෙක් යාළුවා හොදට ඉගෙන ගෙන කොළඹ රැකියාවකට පැමිණ දැන් වසර ගණනාවක් වී තිබුණි. දවල් වූ නිසා තම ගමේ සිටි යාළුවාව කැටුව මොහු දවල් කෑම සදහා ලොකු හෝටලයකට පැමිණියේය. ගමේ යාළුවාට මෙවැනි තැන් කොහෙත්ම පුරුදු නැත. ටික වේලාවකින් වේටර් පැමිණියේය. කොළඹ යාළුවා තම ගමේ යාළුවා දිහා බලා

"මොනාද කන්නේ මචං.... ෆයිඩ් රයිස් හොදයිද?" යැයි ඇසීය.

යහළුවා මදක් අපහසුතාවයකින් යුතුව පැවසුවේ තමන්ට ඔය කෑම අල්ලන්නේ නැති බැවින් මාළු කෑම එකක් ලබාදෙන් ලෙසය. ඉන්පසු කොළඹ යාළුවා ෆ්රයිඩ් රයිස් එකක් සහ මාළු කෑම එකක් ඕඩර්කරන ලදී. ටික වේලාවකින් දෙදෙනාගේ කෑම ලැබුණු අතර දෙදෙනාම කෑම කෑමට පටන් ගත්තේය. ටික වේලාවකින් ගමෙන් පැමිණි යාළුවා තම තම යාළුවාගේ කෑම එක දෙස බලා "ෂික්.... ෆ්රයිඩ් රයිස් කියන්නේ බත් කියලා දන්නවානම් මාත් කනවා" යැයි පැවසීය.