වට්ස්ඇප් හරහා ඇඳගන්න කලින් දැනගන්න
- අඩු වෙහෙසකින් වැඩි මුදලක් උපයාගත හැකි බව කියන රැකියා සම්බන්ධ පණිවුඩ.
- විශේෂ බඩුමලු, ඩේටා පැකේජ දිනා ගැනීමට පණිවිඩ බෙදාහැරීම කළ යුතු බව කියන පණිවුඩ.
- විදෙස් දුරකථන අංකවලින් පැමිණෙන පණිවුඩ.
- ඉක්මන් ක්‍රියාමාර්ග ඉල්ලා සිටින පණිවුඩ.
- මුදල් හෝ පුද්ගලික තොරතුරු ඉල්ලා එවන පණිවුඩ.
දිනෙන් දින වර්ධනය වන සයිබර් අපරාධ අතර මේ දිනවල වඩාත් ප්‍රසිද්ධ නමුත් බොහෝ දෙනා නොදැනුවත්කම නිසාම හසුවන වංචා වට්ස්ඇප් හරහා සිදුවේ. මේ වියමන ඒ ගැනයි.
අද පවතින ආර්ථික ගැටලුත් සමග බොහෝ දෙනාට අමතර ආදායමක් ලැබීම තරම් තවත් සතුටක් නැති තරම්ය. මේ නිසාම මිනිසුන්ට වටිනා ත්‍යාග ජයග්‍රහණ ලබාදෙන බව පවසමින් ඔබේ දත්ත සූරා කෑමට වංචනිකයන් කටයුතු කරයි. අමතර ආදායම් සොයා ගොස් තමා සතු දේ පවා එයින් අහිමිවීමට ඉඩ ඇති නිසා මෙම වංචා පිළිබඳව ඔබත් අනිවාර්යෙන්ම දැන සිටීම වැදගත් වෙයි.
වංචාකරුවන් ඔබේ පුද්ගලික තොරතුරු සහ මූල්‍ය තොරතුරු හෙළි කිරීමට ඔබව රැවටීමට වංචා කිරීමට අනුකරණය කිරීමට විවිධ ශිල්පිය ක්‍රම භාවිත කරයි. මොවුන් බොහෝවිට ඔබ වෙත සමීප වන්නේ ක්‍රෙඩිට් කාඞ් සමාගමක් හෝ රජයේ ආයතනයක් හෝ ඔබ දන්නා හඳුනන කෙනෙක් ලෙසයි. එවැනි ආකාරයේ වට්ස්සැප් මඟින් සිදුවන වංචා ක්‍රම රැසක් පවතී.
ලොතරැයි සහ දීමනා වංචා
ලොතරැයි සහ දීමනා වංචා වට්ස්ඇප් හරහා පමණක් නොව අනෙකුත් සමාජ මාධ්‍ය වේදිකාවල ද ජනප්‍රියයි. මෙම වංචාවේදී, ඔබ ලොතරැයියක් හෝ දීමනාවක් දිනූ බවට පණිවිඩයක් ඔබට ලැබේ. සාමාන්‍යයෙන් සබැඳියක් (link) යවයි, ඔබේ ත්‍යාගය ”හිමිකම් කිරීමට” එය විවෘත කරන ලෙස ඉල්ලා සිටියි.
වට්ස්ඇප් පණිවිඩයක හෝ වෙනත් සමාජ මාධ්‍ය වේදිකාවල සැකසහිත සබැඳියක් විවෘත කිරීමෙන් වළකින්න. එමගින් ඔබේ උපාංගයේ දත්ත සොරා ගැනීමේ හැකියාව ඔවුන්ට සකසා ගැනීමට හැකිය, නැතහොත් පුද්ගලික තොරතුරු ලබාදීමට ඔබව පොළඹවයි. මේ නිසා ලොතරැයියක් හෝ දීමනාවක් පිළිබඳ ඕනෑම පණිවිඩයක් රතු කොඩියක් ලෙස සලකන්න.
අනවසර සත්‍යාපන කේත වංචා
ද්වි-සාධක සත්‍යාපනය (two factor authentication) සැලසුම් කර ඇත්තේ ඔබගේ ගිණුම වඩාත් ආරක්ෂිතව තබා ගැනීමටය. එය ඔබගේ දුරකථනයට හෝ විද්‍යුත් තැපෑලට යවන කේතයකි. නමුත් සාමාන්‍ය වට්ස්ඇප් වංචාවකට යමකු වැරදීමකින් ඔබේ දුරකථන අංකය ඇතුළු කළ බවත්, ඔවුන්ගේම ගිණුමට ලොග් වීමට ඔබේ දුරකථනයට එවා ඇති කේතය අවශ්‍ය බවත් ප්‍රකාශ කරමින් පණිවුඩ එවිය හැකිය. මේ නිසා කිසිවිටෙක තෙවන පාර්ශ්වයක් සමඟ සත්‍යාපන කේතයක් බෙදා නොගන්න.
- ඔබට අනපේක්ෂිත ගිණුම් සත්‍යාපන පණිවුඩයක් ලැබෙන්නේ නම්, එය අනවසරයෙන් ඇතුළුවීමේ උත්සාහයක් ලෙස සලකන්න.
- ඔබගේ වට්ස්ඇප් පින් අංකය වෙනස් කිරීමෙන් සහ ඔබගේ වට්ස්ඇප් ගිණුමට නොදන්නා උපාංග කිසිවක් සම්බන්ධ කර නොමැති බව සහතික කර ගැනීමෙන් වහාම ඔබගේ ගිණුම සුරක්ෂිත කරන්න.
ඇමතුම් යොමු කිරීමේ වංචා
ඔබට ලැබෙන දුරකථන ඇමතුමක් අතරතුරදී නව අංකයකට ඇමතුම් යොමු කිරීම සක්‍රීය කරන ලෙස වංචාකරු ඔබට ඒත්තු ගන්වයි. ඔබ නව අංකය සමඟ ඇමතුමේ යෙදී සිටින අතරතුර, ප්‍රහාරකයා ඔබගේ වට්ස්ඇප් ගිණුමට ප්‍රවේශ වීමට උත්සාහ කරයි, දුරකථන ඇමතුමක් හරහා එක්-වරක් මුරපදයක් යැවීමේ විකල්පය තෝරා, එය ඉදිරියට යවනු ලැබේ.
මෙවැනි වංචාවලින් වැළකීමට
- නුපුරුදු අංකවලින් ලැබෙන අනවශ්‍ය දුරකථන ඇමතුම්වලින් වැළකී සිටින්න.
- නුපුරුදු විදෙස් රටවල අංක මගින් පැමිණෙන ඇමතුම් ලබා ගැනීමෙන් වළකින්න.
- යමකු ඔබගේ වට්ස්ඇප් ගිණුම හැක් කර ඇති බවට හෝ හැක් කිරීමට උත්සාහ කරන බවට ඔබ සැක කරන්නේ නම්, වහාම ඔබගේ පින් අංකය සහ පිවිසුම් සැකසුම් වෙනස් කරන්න.
කූපන් වංචා
මෙහිදී ඔබට ඇදහිය නොහැකි කූපන් හෝ වට්ටම් වවුචර සම්බන්ධ කරන වංචාකරුවකුගෙන් පණිවුඩයක් ලැබේ. නමුත්, මෙම සබැඳිය අනුගමනය කිරීමෙන් ඔබේ උපාංගයට වෙනත් අනිෂ්ට මෘදුකාංග සම්බන්ධ විය හැක. ඔබේ කූපන් පතට හිමිකම් කීමට නම් ඔබගේ පුද්ගලික තොරතුරු ඒ සඳහා ලබා දිය යුතුවේ.
කූපන් වංචා වළක්වා ගැනීමට නම්,
- කිසිවිටෙක සැක සහිත සබැඳියක් අනුගමනය නොකරන්න. ඒ සම්බන්ධිත වෙබ් අඩවියක පුද්ගලික තොරතුරු ඇතුළත් නොකරන්න.
- ඔබ ඔවුන් සමග සන්නිවේදනය ආරම්භ නොකළේ නම් ඔබට හානියක් සිදු නොවේ.
ක්‍රිප්ටෝ වංචා
වට්ස්ඇප් හි ලාභදායී ආයෝජන අවස්ථාවක් පොරොන්දු වෙමින් වංචාකරුවකු ඔබව සම්බන්ධ කර ගනී. ඔබ මුදලක් ආයෝජනය කළ පසු, ඔබේ ආයෝජනයට විශාල ප්‍රතිලාභයක් ලැබෙනු බව පවසයි. මුල් අවස්ථාවේදී විශ්වාසය දිනා ගැනීම සඳහා සුළු මුදල් යෙදවීමෙන් ඊට වඩා වැඩි මුදලක් ලබාදෙයි. පසුව විශාල මුදලක් ආයෝජනය කිරීමට ඔබව පොළඹවයි. එම අවස්ථාවේදී වංචාකාරු කිසිසේත් ආයෝජනය නොකර ඔබේ මුදල් සමඟ පලා යයි.
- මේ නිසා ඔබව පොහොසත් කිරීමට පොරොන්දු වන කිසිවකු විශ්වාස නොකරන්න.
- ඔබ නොදන්නා කිසිවකුට මුදල් නොයවන්න.
- තෙවන පාර්ශ්වීය වෙබ් අඩවියක ගෙවීම් තොරතුරු කිසිවිටෙක බෙදා නොගන්න.
තාක්ෂණික සහාය සම්බන්ධ වංචා
ඔබගේ ගිණුමේ යම් යම් දෝෂ පවතින බව සඳහන් කරමින් ඔබගේ ගිණුම සුරක්ෂිත කිරීමට උදව් කිරීමේ මුවාවෙන් වංචනිකයන් ඔබ හා සම්බන්ධ විය හැක. මෙවැනි පුද්ගලයන් ඔබට ඉතා සූක්ෂම ලෙස සමීප වන අතර ගිණුම සුරක්ෂිත කිරීමට ඔබගේ අනන්‍යතාවය තහවුරු කිරීමට ඔබගෙන් විමසයි.
- මේ නිසා වට්ස්ඇප් නියෝජිතයකු යැයි කියා ගන්නා කෙනකු සමග පුද්ගලිකව හඳුනාගත හැකි තොරතුරු බෙදා නොගන්න. ඔබ ප්‍රථමයෙන් වට්ස්ඇප් පාරිභෝගික සේවාව සමග සම්බන්ධතා ආරම්භ නොකළහොත් එය බොහෝ විට වංචාවක් විය හැකිය.
- ඔබගේ ගිණුම සත්‍යාපනය කරන ලෙස ඉල්ලා ඔබට අනපේක්ෂිත පණිවුඩයක් ලැබුණේ නම් අවදියෙන් සිටින්න - මෙයින් අදහස් කරන්නේ යමකු ඔබව වංචා කිරීමට හෝ ඔබගේ දුරකථනයේ ඔත්තු මෘදුකාංග ස්ථාපනය කිරීමට උත්සාහ කරන බවයි.
පුණ්‍යාධාර මුවාවෙන් සිදුවන වංචා
ඔබේ හොඳ හිත ගසාකෑමට හෝ ඔබේ මූල්‍ය තොරතුරු වෙත ප්‍රවේශය ලබා ගැනීමට මෙවැනි වංචාකරුවන් උත්සාහ දරයි. ඔවුන් බොහෝ විට වින්දිතයන් රවටා ඔවුන් යහපත් කටයුත්තකට මුදල් ලබා දෙන්නේ පුණ්‍යායතනයක් ලෙස පෙනී සිටිමින් සහ පරිත්‍යාග ඉල්ලා සිටීමයි.
- මේ නිසා මුදල් සඳහා වන ඕනෑම අනවශ්‍ය ඉල්ලීම් නොසලකා හරින්න. එය තවත් අන්තර්ජාල වංචාවක් විය හැකිය.
- නුපුරුදු සබැඳි අනුගමනය නොකරන්න. ඔබ නොදන්නා සහ විශ්වාස නොකරන කිසිවකු සමග ඔබේ පුද්ගලික තොරතුරු බෙදා නොගන්න.
වට්ස්ඇප් වංචාවලින් වැළකී සිටීමට නම්,
- ඔබගේ ගිණුම හැක් වීමේ අවදානම අවම කිරීම සඳහා ද්වි-සාධක සත්‍යාපනය සක්‍රීය කරන්න.
- සැක සහිත සබැඳි අනුගමනය නොකරන්න.
- සැක සහිත ඇමුණුම් බාගත නොකරන්න.
- නොදන්නා අංකවලින් ලැබෙන පණිවුඩ නොසලකා හැරීම සහ වැඩිදුර සන්නිවේදනය අවහිර කරන්න.
- හැකර්වරුන්ගෙන් ඔබගේ ගිණුම ආරක්ෂා කර ගැනීමට ඔබගේ මුරපද ආරක්ෂාව සහ වට්ස්ඇප් පින් එක ශක්තිමත් කරන්න.
- අමතර ආරක්ෂණ ස්ථරයක් එක් කිරීමට සහ ඔබට සබැඳිව ආරක්ෂිතව සිටීමට උදවු කිරීමට ප්‍රබල ප්‍රති-වයිරස මෘදුකාංග බාගන්න.
