මානසික නිදහස ඒක තමයී ජීවිතේ කියන්නේ...
ජීවිතයේ අර්ථය සතුටයි. එහි සමස්ත අරමුණ මිනිස් පැවැත්මයි. අප මිය යනතුරුම ප්‍රීතිමත් ජීවිතයක් ගත නොකළොත් ජීවිතයේ සැබෑ අරමුණ කුමක්ද? ජීවිතයේ සැබෑ අරමුණ ඉටුවේද යන්න ප්‍රශ්නාර්ථයකි. එමෙන්ම "සතුට
" ජීවිතයේදී ඉතාමත්ම අපේක්ෂිත ඉලක්කවලින් එකක්. එසේනම් අප සතුටින් සිටින්නේ කෙසේද? උප්පත්තියත් මරණයත් අතර ගෙවෙන මේ කතාන්දරය අපූර්ව අයුරින් ලියන්නට නම්..
ඔබ කැමැති දේ කරන්නඅනිත් මිනිසුන්ට අවශ්‍ය දේ ඔබ කළහොත් එයින් ඔබ සතුටු වෙනවාද? ඔබ සතුටු වන අයුරින් ගුණාත්මකව ජීවත් වනවිට වචනයෙන් විස්තර කළ නොහැකි තරමට ඔබම ජිවිතය විඳිනවා යැයි කිව හැකියි. ඔබේ ආශාව පාපන්දු ක්‍රීඩාව හෝ වෙන යම් ක්‍රීඩාවක් නම් එය කිරීම තුළින් ඔබට මානසික සතුටක් ලැඛෙනු ඇත. එමෙන්ම මොනයම් හෝ ඔබ කැමැති ක්‍රියාවක් කවි ලිවීම, පිහිනීම වැනි ක්‍රියාවක් සඳහා කාලය ගත කරන්න. ඔබ කැමැති දේ කිරීමේදී ඔබ ප්‍රිතියෙන් පිනා යනු ඇති. ඔබ අකැමැති දෙයක් බලෙන් කිරීමට වඩා එය ඔබට මහගු සතුටක් වනු ඇති.
අන් අයට උදව් කරන්න.
අපි අපේ පෞද්ගලික ඉලක්ක අත්පත් කර ගන්නවා වගේම අප ජීවිතයේ වෙනත් කෙනෙකු වෙනුවෙන් අර්ථවත් දායකත්වයක් ලබා නොදීම නිසා අප තුළ තවමත් හිස් බවක් දැනෙනවා ඇති. අප නොදැනුවත්වම අපි ස්වේච්ඡාවෙන් අන් අයට උපකාර කරන විට, අප විසින් සිදු කරන ලද එම හැඟීම අපේම සතුට සඳහා විශාල හේතුවක් වේවි.
හැකි සැම විමට අනෙකාට ස්තුතියි කියන්න.
ඔබ කිසිවිටෙකත් තවත් අයෙකුගෙන් ප්‍රශංසා පිළි ගැනීම අවශ්‍ය යැයි සිතන්නට එපා. ඔබ මෙලොවට පැමිණ ඇත්තේ කාගෙන්වත් ප්‍රශංසා ලැබීමට නොවේ. ඔබ පැමිණ ඇත්තේ ලෝකයට යමක් ලබාදීමටයි. ලෝකයට යහපතක් කිරීමටයි. මේ නිසා ඔබට යමෙකු කුඩා හෝ විශාල මොනයම් හෝ උපකාරයක් කළහොත් ඔහුට හෝ ඇයට ස්තුතියි කීමට අමතක නොකරන්න. ඔබ එසේ කියූ විට අනෙකාගෙන් ලැඛෙන ප්‍රතිචාරය ඔහුගේ සතුට ඔබට සතුටක් ගෙන දෙනු ඇති.
අන්‍යයන් සමඟ ඛෙදා ගන්න.
මේ ජිවිත ගමන තුළ අපි කවුරුත් නතර වී සිටින්න ඇවිත් නැහැ. අපි හැමවිටම අපේ යැයි ලේබල් ගහලා අපි අල්ලන් ඉන්න හැමදේම දවසක දාලා යන්න සිද්ධ වෙනවා. එබැවින් සියල්ල අනිත්‍ය ලෝකය තුළ ලෝභයෙන්, තරහවෙන්, වෛරයෙන් යුතුව කල් ගෙවිය යුතු නැහැ. අපේ සිතුවිලි, අපේ කාලය සහ අපේ හැකියාවන් අන් අය සමඟ ඛෙදා හදා ගන්නා විට එය අපට වඩා යහපත් බව පර්යේෂකයන්ගේ අදහසයි. ඛෙදාහදා ගැනීමකින් තොරව ජීවත් වූ ජීවිතය පාළු විය හැකියි. මේ නිසා ඔබ අන් අය සමඟ ඕනෑම දෙයක් හුවමාරු කරගන්නා විට, එය ඔබේ ජීවිතයට මහත් ප්‍රීතියක් ගෙනෙනු ඇත.
සිනහ වෙන්න.
ඔබ යමෙකු සමඟ හදවතින්ම සිනහ වන්නේ නම් එය අභ්‍යන්තරව ඔබට බලපායි. ඔබට සිනහවක් ලබා දීමට සෑමවිටම ඔබ සිනහා වන්න. සිනහවෙන් ඔබට ප්‍රීතියක් ලැඛෙනු ඇත.
මානසික පීඩනය පාලනය කිරීම සඳහා ක්‍රම සොයා ගන්න.
ව්‍යායාම මගින් මානසික පීඩනය නැති කරනවා වගේම මානසික පීඩනය නැති කිරීමට තවත් ක්‍රම සොයා ගන්න ඕනේ. ඔබේ සතුට මානසික පීඩාවට පාලනය කිරීමට ඉඩ නොදෙන්න. භාවනාව වැනි ප්‍රායෝගික ක්‍රියාකාරකම් මගින් මානසික ආතතිය වඩා හොඳින් පාලනය කර ගැනීමටත්, සුවදායී හැඟීමක් ඇති කිරීමටත් උපකාරී වේවි.
සෞඛ්‍ය සම්පන්න භාවය.
ඔබ අසනීපයෙන් සිටින විට සැබැවින්ම සතුටට පත් වීම අභියෝගයක්. නමුත් ශාරීරිකව හා මානසිකව හොඳින් සිටිනවා නම් ඔබේ සතුටට නිතැතින්ම ඔබව සොයාගෙන ඒවි.
ඔබේ ආදරණීයන් සමඟ කාලය ගත කරන්න.
ඔබ ඉලෙක්ට්‍රොනික් ද්‍රව්‍යවලට ඇබ්බැහි වී සිටියහොත් ඔබේ ආදරණීයන් ඔබට මඟහැරෙන්නට පුළුවන. වටිනා සම්බන්ධතා ඔබට නැති වී යන්නට පුළුවන්. මේ නිසා අන්තර්ජාලයේ ව්‍යාජ සබඳතා වෙනුවට සැබෑ සබඳතාවලට යොමුවන්න. ආදරණීයයන් සමඟ කාලය ගත කිරීමෙන් ඔබ කිසිවිටෙකත් හුදෙකලා නොවේවි. හොඳ මිතුරන් හා පවුලේ අය සමඟ කාලය ගත කිරීම මෙන්ම හොඳ සංවාදයක්, ගොඩනඟා ගැනීම තුළින් ද ඔබට සතුට ගෙනෙනවා.
ධනාත්මක සිතුවිලි ඇති කර ගන්න.
ඔබ දැනටමත් දන්නවා ඇති ඍණාත්මක සිතුවිලි ඔබව පහතට ඇද දමන බව. මේ නිසා සෑමවිටම ධනාත්මක සිතුවිලිවලට මනස යොමුකරවන්න. ඍණාත්මක සිතුවිලි වෙනස් කිරීමට උත්සාහ කළොත් ඔබට පුළුවන් ඔබේ ජීවිත කතාව හරි අපූරුවට ගළපන්න. අවශ්‍ය වන්නේ මනස ශක්තිමත් වීම පමණයි.
සමාව දුන්නොත්..
අපේ ජීවිතයට එන ඕනෑම පුද්ගලයෙක් අපට ලබා දෙන අත්දැකීම් ඔස්සේ අප බොහෝ දේ ඉගෙන ගනියි. සමාජය පිළිබඳව, මිනිසුන් පිළිබඳව, ජීවිතයේ විවිධ පැතිකඩයන් පිළිබඳව, ඉගෙනීමට ඇති හොඳම ස්ථානය මානව සම්බන්ධතායි. ඔබට හමුවන නරකම පුද්ගලයා වුවත් ඔබ වෙනුවෙන් කර ඇති එක් හෝ හොඳ දෙයක් තිබිය හැකිය. නැත්නම් එම පුද්ගලයා ගෙන් ඔබ ඉගෙන ගත් පාඩම් ද මිල කළ නොහැකි විය හැකිය. එක් සිද්ධියක් නිසා සම්බන්ධය බිඳ වැටුණා වෙන්නට පුළුවන. එහෙත් ඊට ප්‍රථම ඔබ එම පුද්ගලයා සමඟ ඉතා සතුටින් සිටියා විය හැකිය. ඒ දේවල්වලට ස්තූතිවන්ත වන්න. ඔබව අද සිටින ශක්තිමත් පුද්ගලයා බවට පත්කළ ඒ අත්දැකීම්වලට ස්තුතිවන්ත වන්න. එයද අනිකාට සමාව දෙන්න, අතාරින්න ඔබට පහසු කරාවි. කණගාටුවක්, තරහවක් ඇතිවුවහොත් එහි අනෙකුත් පාර්ශ්වයට වඩා ඛෙහෙවින් ඔබට හානි එක්කරනු ඇත. අතීතයේ එවැනි සිදුවීම් ඔබට ආව්ගය අසතුට එක් කරන්නේ නම් එයින් ගැලවීමට මා කුමක් කළ යුතුද යන්න සිතා බලන්න. ඔබ තත්පර කිහිපයකට කෝපය ඔබට ගෙනෙන්නේ මහත් වූ දිගුකාලීන අසතුටකි.
ස්වභාව ධර්මය එක්ක ජීවත් වන්න.
සොබාදහම සමඟ කාලය ගත කිරීම ඔබට සතුටක් සැනසීමක් ගෙන එනු ඇත. විශේෂයෙන් ඔබ ජීවත් වන කෘත්‍රිම මිනිස් ලොවෙහි එය ඔබට ඔබ නොදැනුවත්ම වේදනාවක් ගෙනෙනු ඇත. ඔබ වනාන්තර හෝ උද්‍යානයක් තුළ ඇවිදීමෙන් සහ නැවුම් වාතාශ්‍රය ලබා ගැනීමෙන් ස්වභාවික ලෝකයාගේ අලංකාරය විඳීමෙන් ඔබට සතුටක් එක් වනු ඇත. ජීවිත ප්‍රීතිමත් ජීවිතයක් ගත කළ හැකි ආකාරය ඉහත දක්වා ඇත. උත්සාහ කර බලන්න. ඔබට සැබෑවටම සතුටක් ලැඛෙනු ඇත.
නිරෝමි ගුණරත්නකථීකාචාර්ය,දර්ශනය හා මනෝවිද්‍යාව ශ්‍රී ජයවර්ධනපුර විශ්වවිද්‍යාලයමධුභාෂිණීබොරලූගොඩඋපුටා ගැනීම නවලිය
