දවසේ වැඩි වේලාවක් පරිගණකය ඉදිරිපිට සිටිනවා නම් ඇස්වල ආරක්ෂාව පිළිබඳ සැලකිලිමත් වන්න

තාක්ෂණය නිසා දිනෙන් දින මිනිසා දියුණුවට පත්වනවා හා සමානවම ඔවුන්ටත් නොදැනීම තවත් අතකින් පරිහානියට පත් වේ. එසේ ඔවුන් පරිහානියට පත් වන්නේ මානසික හා කායික සෞඛ්‍ය අතිනි. කායික සෞඛ්‍ය අතින් බලන කල ප්‍රධාන වශයෙන් පරිගණක සමඟ කටයුතු කිරීමේදී ගැටලු ඇති වන්නේ ඔබගේ ඇස් වලටයි. මේ නිසාම පරිගණක ආශි‍්‍රතව ඇතිවන රෝග රැසක් තිඛෙන අතර ක‍දපචමඑැර ඪසිසදබ ීහමාරදපැ ලෙසින් හඳුන්වන්නේ මෙම රෝග පොකුරයි. මෙවැනි රෝග කල්තබා හඳුනා ගැනීම මඟින් පරිගණකයක් සමඟ කටයුතු කිරීමේදී සිදුවන ගැටලු මඟහරවා ගත හැකියි. මෙම පරිගණක දෘශ්‍ය සහ ලක්ෂණය හෙවත් Computer Vision Syudrome(CVS) යනු දීර්ඝකාලීනව පරිගණකය භාවිතා කිරීමෙන් ඇතිවන ඇස හා සම්බන්ධ ගැටලුවකි. 

පරිගණකය දෘශ්‍ය සහ ලක්ෂණයේ රෝග ලක්ෂණ : 

01) ඔබගේ දෑස විඩාබරින් යුක්ත නම් එය පරිගණක සහ දෘශ්‍ය ලක්ෂණයේ ප්‍රතිඵලයකි.

02) පරිගණකය සමඟ දිගින් දිගටම කටයුතු කිරීම මඟින් ඇස් කෙවීම වැනි රෝග ලක්ෂණ ඇතිවිය හැකියි.

03) ඒ වගේම සමීප වස්තු දැකීමේදී විටින් විට ඇස් බොඳ වී පෙනෙන්නට පටන් ගත හැකියි.

04) පැය කිහිපයක් පරිගණකය සමඟ වැඩක නිරත වීමේදී හෝ ඉන් පසුව ඇතිවන හිස කැක්කුම.

05) Dry eye හෙවත් කඳුළු ග්‍රන්ථිවල ක්‍රියාකාරීත්වය හීන වීමෙන් ඇසෙහි අපහසුතා ඇතිවිය හැකියි.

06) යම් වස්තුවක් නිරීක්ෂණය කිරීමේදී ඇසට නාභි ගත වීමට වැඩි කාලයක් ගත විය හැකියි.

07) ඇස්වල පවතින දැවිල්ල.

08) සිවිකාච භාවිතා කිරීමේ දුෂ්කරතා ඇති විය හැකියි.

09) වර්ණ ග්‍රහණය කර ගැනීමේදී ගැටලු ඇතිකර විය හැකියි.

10) වස්තුවක් දෙස බලන විට අසාමාන්‍ය ලෙස දිලිසීම නිසා එය දැකීමට ඇතිවන බාධාව Glare Senitivity.

11) වැඩියෙන් කදුළු ඇසට ඉනීම.

12) ගෙල උරහිස සහ කොන්ද ආශි‍්‍රතව පවතින අපහසුතා.

කෙසේ වෙතත් ඉහත දැක්වූ කරුණු අතරින් එකක් හෝ කිහිපයක් ඔබට බලපවත්වයි නම් විනෝදයට වූවත් ඔබ පරිගණක භාවිතා කරනවා නම් හෝ කුමන කාර්යයක් සම්බන්ධයෙන් හෝ පරිගණකය සමඟ ඔබ ඇසුරු කරනවා නම් එය Computer Vision Syudrome හි ලක්ෂණයක් විය හැකියි.

- නුවන්ති කුලරත්න 

උපුටා ගැනීම දිනමිණ