තමන් කැමති ජීවිතය ලබාගන්න සරල පියවර 6ක්.

මේ ලෝකයෙ ජීවත් වෙලා ඉන්න සමහර පුද්ගලයින් තමන්ට රිසි සේ ජීවත් වෙනවා. ඔවුන් ඉතාමත් සතුටින් තමන්ට අවශ්‍ය ආකාරයට ජීවිතය පවත්වාගෙන යන අතර තවත් සමහර පුද්ගලයින් තමන්ට රිසි ජීවිතය කෙසේ වෙතත් ජීවත් වෙනවාට ජීවත් වෙනවා. අපිට තියෙන්නෙ එකම එක ජීවිතයයි! ඉතින් ඇයි අපිට ඕන විදියට ජීවත් වෙන්නෙ නැත්තෙ? ඇයි අපිට ඕන කරන ජීවිතය ලගා කරගන්නෙ නැත්තෙ? මේ ලෝකයෙ තමන්ට අවශ්‍ය ජීවිතය ලගා කර ගත් බොහොමයක් පිරිසකට එය ඉබේ පහල වුන දෙයක් නොවන අතර එය තමා විසින්ම නිර්මාණය කරගන්නා ලද්දකි. ඉතින් ඔයා මොන වයසක මොන තරාතිරමක ඉන්න කෙනෙක් වුනත් තමන්ට ඕන ජීවිතය ලගාකරගන්න, නිර්මාණය කරගන්න හැකියාව තියෙන්නෙ තමන්ගෙ අතේමයි. තමන්ට අවශ්‍ය ජීවිතය නිර්මාණය කරගන්නෙ කොහොමද ?

(1) ඔයාගෙ හදවතට ඉඩ දෙන්න :

ඔයාගෙ හිතේ තියෙන්නෙ මොනවගේ ජීවිතයක්ද? ඔයාගෙ ඇත්තම ආශාවක් උවමනාවක් තියෙන්නෙ කොහොම ජීවත් වෙන්නද? මොනවගේ දේවල් වලින්ද ඔයාගෙ හදවත සතුටින් පිරෙන්නෙ? ඔයාගෙ හිතේ තියන සැබෑම අවශ්‍යතාවයන් හදුනගන්න. ඔයාගෙ පවුලේ අයට, දෙමාපියන්ට, සහකරුවන්ට, දරුවන්ට, යාලුවන්ට ඕන දේවල් නෙවෙයි. තමන්ගෙ හිතට එකගව තමන්ට අවශ්‍ය කරන්නෙ කොයි විදියෙ ජීවිතයක්ද කියන එක තේරුම් ගන්න. නිදහස් තැනක් තෝරාගෙන නිදහසෙ හිතන්න. තමන්ගෙ ඩයරි පොතේ ලියන්න තමන්ට ඕන කරන ජීවිතය ගැන විස්තරයක්.

(2) ඔයාගෙ ආත්මය සුසර කරන්න :

අපි හැමෝටම ආවේණික ආත්මයක් තියනවා. ඉතින් ඔයාගෙ ආත්මය හංගගෙන ඉන්න දක්ෂතා, හැකියාවන් මොනවද කියලා අදුරගන්න උත්සාහ කරන්න. ඔයාගෙ තුල ඒ හැංගිලා තියන අද්විතීය දක්ෂතාවයන්, හැකියාවන් වලට පුලුවන් ඔයාව මේ ලෝකයෙ ඉහලම තැනකට අරගෙන යන්න. වයස භේදයක් නැහැ. කොහොමද ඉතින් මේ කියන දේවල් හොයාගන්නෙ? නිකමට හිතලා බලන්න ඔයා ගොඩාක් ආසාවෙන් හරිම සාර්ථකත්ව කරන දේවල් මොනවද කියලා.

(3) අරමුණක් හදාගන්න :

ඔයාගෙ ජීවිතයට ඉහලම අරමුණක් තියාගන්න. මේ අරමුණ ඔයාගෙ ජීවිතයට ලොකු වටිනා කමක් අරගෙන එනවා වගේම ඔයාට ජීවත් වෙන්න හොද හේතුවක් තියන නිසා කීයටවත් ඔයාගෙ ජීවිතය කම්මැලි එකක් වෙන්නෙ නැහැ. ඔයාට ජීවත් වෙන එක හරිම ආස හිතෙන දෙයක් බවට පත් කරයි. ඉස්සෙල්ලා කිව්වා වගේ ඔයාට ඕන ජීවිතය ගැන අදහසක් ආවා නම් දැන් හදාගන්න හොද අරමුණක්.හිතට එකගව.

(4) සැලසුම් කරන්න :

ඔයා අහලා තියනවද කතාවක්, සැලසුමක් නැති අරමුණක් සමානයි දිශාවක් නැති නැවකට කියලා. ඒ කියන්නෙ දිශාවක් නැති නැවක් ඉබාගාතේ ගිහින් විනාශ වෙයිද, නැත්තම් කොහෙහරි ගොඩබිමකට යයිද කියන්න බැහැ. ඒ වගෙ තමයි සැලසුමක් නැති අරමුණකට මොකක් වෙයිද කියන්න දන්නෙ නැහැ. හොද අරමුණක් තියන ඔයා දැන් කාලය, මුදල්, දැනුම කියන මේ හැමදෙයක්ම හොදින් කලමණාකරණය කර ගනිමින් පියවරෙන් පියවර ඉදිරියට යන්න සරල සැලසුමක් හදාගන්න.

(5) මනස නිදහස්ව තියාගන්න :

ඔයාගෙ මනසට කරුණු ලැබෙන ප්‍රමාණය ඉතාමත් වැඩියි නම්, ඔයාගෙ සැබෑ අවශ්‍යතාවන් හදුනාගන්න තරමක් අපහසු වෙලා ඔයාව ආතතියට පත් වෙනවා. නිතරම ඔයාගෙ මනස ඉතාමත් සන්සුන්ව තියාගන්න උත්සාහ කරන්න. දවසකට හිතට එන සිතුවිලි ප්‍රමාණය අවම කරගන්න ටාගට් එකක් තියාගන්න. හිත මේ මොහොතෙ සිහියෙන් තියාගන්න. දිනකට අවම විනාඩි 20ක භාවනාවකට පුරුදු වෙන්න.

(6) තමන්ව විශ්වාස කරන්න :

ඔයාට අරමුණක් තියනවා. ඒකට යන්න සැලසුමක් තියනවා. ඒ වගේම ඔයා ඒ වෙනුවෙන් තමන්ගෙ හැකියාවන්, දක්ෂතාවයන් භාවිතා කරනවා ඉතින් ඒ හැමදෙයක්ම විශ්වාස කරන්න පටන් ගන්න. තමන් ගැන තමන්ගෙ අරමුණු ගැන විශ්වාසය තියෙන්නෙ කොයිතරම්ද ඒ තරමටම ඒ දේ සාර්ථක වීමේ හැකියාවක් තියනවා. ආත්ම විශ්වාසය දියුණු කරගන්න. තමන්ගෙ අරමුණු විශ්වාස කරන්න.

ඉතින් මේ සරල පියවර 6 අනුගමනය කරන්න පටන් ගන්න. තමන් ගැන විශ්වාස කරමින් දවසින් දවස තමන් කැමති ජීවිතය ලගා කරගන්න මුල් පියවර තියන්න.