හැගීම් ඇවිස්සීමේ පරම පවිත්‍ර පූජනීය අරමුණ

ඔන්න මචං මේකයි සීන් එක. ෆැෂන් කියන්නේ කෙල්ලන්ට නියමෙටම සෙට් වෙන සිරා දෙයක්. ලංකාවේ ඉන්න කෙල්ලො ගැන හිතලා බැලුවොත් හොඳටම, ලෙසටම, තිතටම, සිරාවටම සහ සෙක්සිම සෙක්සි විදියට ෆැෂන් කරන කෙල්ලො ඉන්නේ ක‍දකදපඉද 7 වල. කෙල්ලන්ගේ ශරීරයේ තියෙන ස්වාභාවික පිහිටීමයි, සිරා ෆැෂන් නිසා ඒ කෙල්ලන්ගේ ශරීරයට එකතුවන අතිරේක සුන්දරත්වය දිහා කලාත්මක ඇහැකින් බැලුවොත් කෙල්ලන්ගේ ශරීරයේ තියෙන්නේ පට්ට ලස්සනක්. වෙන ඇහැකින් බැලුවත් කෙල්ලන්ගේ ශරීරයේ තියෙන්නේ පට්ට ලස්සනක්. ඒ නිසා තමන්ගේ සරාගීත්වය වැඩිවන විදියට ෆැෂන් කරන කෙල්ලෙක් දිහා ඇහේ පොට යනකං, ඇහේ කාචෙ ගෙවෙනකල් ලල් එකේ බලාගෙන ඉන්න පුළුවන්. ඒත් ඉතින් සමහර කෙල්ලෝ ඉන්නවා චා මැක්ස්.. ෂිං ඒ අය දිහා මොන ඇහෙන් බැලුවත් ලාචෝරු.....

එතකොට ආදරය පුතේ දුවේ... හැම කෙල්ලෙක්ම තමන්ගේ ශරීරයේ ලස්සන මතුවන විදියේ ෆැෂන් කරන්නේ නැත්තේ ඇයි? අපේ මේ වනචර කොල්ලෝ හැමතිස්සේම කුපාඩි පාට් දාන නිසා තමයි අපේ කෙල්ලෝ ඒ වගේ ෆැෂන් කරන්නෙ නැත්තේ. අනේ යකෝ කොල්ලන්ගේ මේ කුපාඩිකම් ටිකක් අඩුකරගන්න පුළුවන්නම් මේ සමාජය මීට වඩා ආතල් බේරෙන ලොල් එකේ රන් වෙන තැනක් වෙනවා. එතකොට හැම කෙල්ලෙක්ම ලස්සන ලස්සන ෆැෂන් කරයි. ඇත්තටම මේ කෙල්ලො කියන අපූරු සත්ව ප්‍රජාව පරිණාමය වුණේ කොහොමද කියල හොයන්න වටිනවා. ඒක ෙසෙලී ජීවියෙක්ගෙන් පටන් අරගෙන අද කාලේ ඉන්න මේ කෙල්ල කියන ජීවියා දක්වා පරිණාමය වෙච්ච විදිය නම් ලෙසටම සහ තිතටම වෙලා තියෙනවා. ඒකනේ හත් ඉළව්වේ මේ කෙල්ලෝ මෙච්චර ලස්සන. ඒ ලස්සන කොල්ලෝ ලස්සන ෆැෂන් කරනකොට තවත් ලස්සනයි. සමහර කෙල්ලෝ කරන සමහර ෆැෂන් දැක්හම මුත්‍රා බර හැදිලා බඩේ අජීරණය හැදෙනවා. තවත් සමහර කෙල්ලෝ කරන ෆැෂන් දැක්කම ශරීරයේ හෝමෝන පීඩනය වැඩි වෙලා රුධිර සංසරණ පද්ධතිය චූන් වෙලා තයිරොයිඩ් ග්‍රන්ථි ඉදිමිලා උණ්ඩකපුච්ඡය බල්ටිගහනවා. තවත් සමහර කෙල්ලෝ කරන ෆැෂන් දැක්ක නිසා තාමත් මගේ ඇගේ මයිල් කෙළින් වෙලා හසන්ත මහත්තයෝ බොරුනම් මේ බලන්න. සුළු කෝණයෙන් බැලුවත්, මහා කෝණයෙන් බැලුවත්, ඍජුකෝණයෙන් බැලුවත් මොන මගුලේ කෝණෙකින් බැලුවත් ගින්දර විසිවෙන ෆැෂන් කරන්න පුළුවන් විදියේ ශරීරයක් කෙල්ලන්ට තියෙනවා. නිතඹ, කලවා, පියයුරු, උරහිස්, ඉණ, බඩ, උකුළ, පපුව, කොණ්ඩය, ඛෙල්ල, ඇස්, කන් සහ මුහුණ කියන ශරීරාංගවල සුවිශේෂී පිහිටීම නිසා එක විදියේ් නානාප්‍රකාර ෆැෂන් කරන්න කෙල්ලොන්ට පුළුවන්. විශේෂයෙන්ම කෙල්ලන්ගේ ඇගවල තියෙන වෘත්තාකාර සහ ලාලිත්‍යානුකූල නැමි තියෙන තැන් නියමෙට කැපිලා පේන්න විදියේ් ෆැෂන් ඕනතරම් තියනවා. ඒවා බලලා අපි කොහොමද නිවන් දකින්නේ හසන්ත මහත්තයෝ.

මචං, මේ ෆැෂන් නිසා අපේ රට ලස්සන වෙනවා කියලා උඹලට හිතෙන්නේ නැද්ද? ඇත්ත තමයි ලංකාවේ ඉන්න හැම කෙල්ලෙක්ම ලස්සන ලස්සන ෆැෂන් කළොත් අපේ සමාජයේ පසුබිම පට්ට ලස්සන වෙනවා. ගිය අවුරුද්දේ මම සිංගප්පූරු ගිය වෙලාවේ එහෙ හිටපු කෙල්ලන්ගේ ෆැෂන් දැකලා මම තාමත් පිස්සු වැටිලා ඉන්නේ. තාමත් මම ඒ ගැන කියෝනවා. ඒ කෙල්ලො පාරෙ යන්නෙත් ෆැෂන් ෂෝ එකකට යනවා වගේ කියලා සිය වතාවක් විතර මම කියලා ඇතිනේ.. ඒකෙන්ම තේරෙනවානේ මගේ මේ සයිකෝ පිස්සුවේ තරම ඒ පිස්සුව නිසා තමයි තාමත් මගේ උණ්ඩකපුච්ඡය බල්ටි ගහන්නේ. අනේ ඉතින් අපේ රට කවදා කොයි විදියට ඒ තත්ත්වෙට පත්වෙයිද දන්නේ නෑ. හැබැයි මෙතැන තව පැත්තක් තියෙනවා. සිංගප්පූරුවේ ඉන්න කෙල්ලෝ සුදු කකුල් පේන්න ඇඳගෙන පාරේ ගියත් සිංගප්පූරු කොල්ලෝ ඒ කෙල්ලන්ට මුකුත් කියන්නේ නෑ. එහෙ කොල්ලෝ ඒ ආතල් එක හිමින්සැරේ ෂේප් එකේ ගන්නවා ඇති. ඒත් අපේ ලංකාවේ අයියලා එහෙම නෑනේ. කෙල්ලෙක් කොටට ඇඳගෙන. එහෙමත් නැත්නම් හිරට ඇඳගෙන ගියොත් ලංකාවේ කොල්ලොන්ට අමුතුම මෝඩ චූන් එකක් එනවනේ. අනේ මෝඩ හැත්ත. අන්න ඒ මස්තබාල්දු නසරානි කොල්ලෝ නිසා තමයි කෙල්ලන්ට නිදහසේ ෆැෂන් කරන්න බැරි. තිස්තුන් කෝටියක් දෙවිවරු ඉන්නවා කියලා කියනවා. ඒත් ඉතින් මේ අවනඩුව දෙයියන්ට කියන්නද හසන්ත මහත්තයෝ. ලස්සන කෙල්ලෙක්ව දැක්ක ගමන් අපේ මේ සමහර කොල්ලෝ ඕක පුම්බගෙන, අරක උඩදාගෙන, මේක පාගගෙන දගලනවා. ඒ කොල්ලන්ට තමන්ගේ මෝඩ චූන් පාලනය කරගෙන ඉන්න බෑනේ. ඒක මොනතරම් නිවට නීච කුසීත දෙයක්ද ඒ නිසා කෙල්ලන්ට කැමැති කැමැති විදියට ෆැෂන් කරන්න බෑ. මොන වුණත් නසරානි කොල්ලන්ට තමන්ගේ අමන නීච ගති පාලනය කරගන්න බැරි නිසා කෙල්ලෝ අන්ත අසරණ වෙනවා. ඒ කුසීත කොල්ලෝ, කෙල්ලෙක්ගේ කකුලක් දැක්කොත් චූන් වෙලා දගලනවා. ඒක හරිම කුසීතයි නේද? අනේ ඉතින් මෙහෙම නසරානි කොල්ලෝ ඉන්න රටේ කෙල්ලෙක් කොහොමද කොටට ඇඳගෙන යන්නේ තමන්ගේ හැගීම් පාලනය කරගන්න බැරි පයිත්තියං කොල්ලෝ නිසා ෆැෂන් කරනවා තියා.. අඩුම තරමින් ඇගම වැහෙන්න ඇඳගෙන බස් එකේ යන්නවත් බෑ. මේ කාලකණ්ණි කොල්ලෝ ඒ කෙල්ලන්ගේ ඇගට හේත්තු වෙන්න එනවනේ. ඒත් කෙල්ලෙක්ට මොකක් හරි සීන් කොන් එතක් වුණොත් අපේ නසරානි බුවාලා බනින්නේ කොටට ඇග පේන්න ඇඳගෙන ගිය අර අහිංසක කෙල්ලට. ඒ කෙල්ලගේ ඇග දැකලා හැගීම් පාලනය කරගන්න බැරි වුණ කොල්ලෝ ගැන කවුරුත් කතා කරන්නේ නෑ. අනේ යකෝ, කෙල්ලෙක් ඇඳුම් නැතුව පාරේ ගියත් ඒ කෙල්ල දිහා දෙපාරකට වඩා වැඩියෙන් හැරිලා බලන්නේ නැති විදියට හැගීම් පාලනය කරගන්න කොල්ලන්ට පුළුවන් වෙන්න ඕනෙ. ඒක තමයි නියම පිරිමි ගතිය. ඇගේ ඇගෙ තියෙන හැඩකාර විසේකාර ගතිය පේන විදියට කෙල්ලෙක් ඇඳුමක් ඇඳගෙන ගියොත් මමත් බලනවා. ඇත්තම කියනවානම් සමහරවිට මම ඒ කෙල්ල දිහා දෙපාරක් හැරිලා බලන්න ඉඩ තියෙනවා. ඒත්, හත්ඉළව්වේ, ඒ කෙල්ලට විසිල් ගහන්නයි, ඒ කෙල්ලට මෝඩ ජෝක් දාන්නයි, බස් එකේදී ඒ කෙල්ලගේ ඇගට හේත්තු වෙන්නයි මම යන්නේ නෑ. හැබැයි බොරු කියන්න ඕනෙ නෑනෙ මචං, ඉස්සෙල්ලා කිව්වා වගේ මම ඒ කෙල්ල දිහා එකපාරක් දෙපාරක් හැරිලා බලන්න ඉඩ තියෙනවා. ඒකෙ අවුලක් නෑනෙ මචං.. කෙල්ලොත් කැමැති කොල්ලෝ ඒ විදියට හැරිලා බලනවාට. ඒත් විසිල් ගහනවටයි, සූ සූ ගානවටයි, මෝඩ ජෝක් දානවටයි කෙල්ලෝ කැමැති නෑ. හැබැයි පුතේ තවත් කෙල්ලෝ වර්ගයක් අපි අතර ඉන්නවා. ඒ කෙල්ලෝ ෆැෂන් කරන්නෙම කොල්ලන්ගේ ලිංගික හැගීම් ඇවිස්සීමේ පරම පවිත්‍ර පූජනීය අරමුණ හිතේ තියාගෙන. අන්න ඒ වගේ කෙල්ලොන්ටනම් ඉතින් විසිල් ගහලා මදි. ඒ කෙල්ලොන්ටත් ඕනෙ විසිල් ගහගන්න තමයි. මොනා වුණත් කාමය කියන මගුල තියෙන්නේ කෙල්ලෙන්ගේ කොල්ලන්ගේ ඇගවල්වල නෙවෙයි. කාමය තියෙන්නේ අපේ හිතේ. ඉදිරි සතියකදී අපි ආයිත් සෙට් වෙමු. අදට ඇති.

ලක්මිණ රණසිංහ
උපුටා ගැනීම මව්බිම