ආයුෂ කෙටි කරන වැරැදි පුරුදු ජංගම දුරකතනය කොට්ටේ යටද?
සමහර විට ඔබට ඇතිවන කායික මානසික ප්‍රශ්නවලට මූලිකම හේතුව ඔබේ ජීවන රටාව වන්නට පුළුවන්. ජීවන රටාවේ පුංචි වෙනසක් ඔබේ රෝගයට ප්‍රතිකාරයක් වුණොත් මඳක් ඒ පිළිබඳ සිතා බලන්න.
රාත්‍රියේදී ජංගම දුරකතනය ළඟ තබා ගැනීම :
රාත්‍රියේ ජංගම දුරකතනය ළඟ තබා ගන්නේ නම් ඒ පිළිබඳ තරමක් සැලකිලිමත් වන්න. සමහර විට බොහෝ අය එලාම් නාදය තැබීමටත් ජංගම දුරකතනය භාවිත කරනවා. ඒ හැරුණු විට නින්දට ගොසින් කෙටි පණිවිඩ යැවීමත් පුරුද්දක්. මෙවැනි පුරුදු හේතුකරගෙන ඇසේ දෘෂ්ටි විතානයට හානි සිදුවීම, මොළයට හා ස්නායු පද්ධතියට හානිවීම් සිදුවිය හැකිය. එම නිසා කිසිම විටෙක ජංගම දුරකතනය කොට්ටය යට හෝ ඇඳේ කොනක තබාගන්න එපා. ඒ වෙනුවට හැකි තරම් දුරින් දුරකතනය තබා ගන්න.
ඔබේ ජීවන රටාව :
බොහෝ කාන්තාවන් තමන්ගේ ඔසප් චක්‍රය පිළිබඳ සැලකිලිමත් නැහැ. බොහෝ විට ඔසප් චක්‍රය නිසා මානසික ආතතිය, කාංසාව වැනි මානසික අවපීඩනයන් ඇති විය හැකිය. ඔසප් චක්‍ර දෙකක් අතරදී මෙම ලක්‍ෂණ මතු වනවා. එසේම නිසි ආකාරව ඔසප් රුධිරය පිට නොවුණහොත් පසුකාලීනව ෆයිබේ‍රායිඩ්, පිළිකා, ගර්භාෂ ආසාදනද ඇති විය හැකිය. එම නිසා එක්වරම ඔබේ ඔසප් චක්‍රයේ වෙනසක් වුවහොත්, කායිකව මානසිකව යම් ගැටලුවක් ඇතිවුවහොත්, ඒ පිළිබඳ සැලකිලිමත් වන්න.
පුටුවක වාඩිවීමේ ක්‍රමය :
ඕනෑම පුද්ගලයකු පුටුවක වාඩිවීමේ ක්‍රමයක් තිබෙනවා. විශේෂයෙන් පරිගණක, ටැබ් පරිගණක, ලැප්ටොප් පරිගණක භාවිතයේදී ඔබේ පහසුව නොව ශරීර සෞඛ්‍ය පිළිබඳ මඳක් සිතා බලන්න. කලවා සහ පිට කොන්දේ ආබාධ ඇතිවීමට ඔබ වාඩිවන ඉරියව්ව බලපානවා. එසේම දණහිසටත් ඉන් හානි විය හැකියි. පරිගණකය ඇස් මට්ටමේ තබාගන්න. පිටට කුෂන් යොදා මතුපිටක් හෝ කොට්ටයක් තබාගත හැකි නම් එයද සුදුසුය.
ඔබේ සමේ නිරෝගී බව :
හිරු රශ්මියට සම නිරාවරණය වීමෙන් සම මතුපිටට හානි වීම නිසා සම කළු පැහැ වනවා. විශේෂයෙන් වැළමිට, බෙල්ල, මුහුණ, නාසය දෙපස, නළල කළු ගැන්වීම දකින්න පුළුවන්. එම නිසා ඔබට සෞඛ්‍ය ආරක්ෂිත සන්ස්ක්‍රීම් වර්ගයක් භාවිත කළ හැකියි. සන්ස් ක්‍රීම් වර්ගය භාවිත කරන විටදී අවශ්‍යම ස්ථානවල පමණක් ආලේප කරන්න. සෞඛ්‍ය ආරක්ෂිතදැයි බලන්න.
හංසි ආටිගල මව්බිම
