කුඩේ හැඩෙන් හැටි තේරේ
සත්වයකුගේ දේහ ලක්‍ෂණ, ක්‍රියාකාරකම් මත බොහෝ ගරට ඉපැරැණියන් අතරෙන් අප හට දායාදව ගුණාගුණ ඔවුන්ගේ මෙවලන් තුළින් ද ප්‍රකාශනය වන්නේය. ඒ අනුව මෙවර නිතරම භාවිතාවන කුඩ පිළිබඳ පාඨක ඔබ වෙතට මෙසේ යොමු කරන්නෙමු. විචාරශීලීව යමෙකුගේ හදවත නිරීක්‍ෂණය කොට ඒ අනුව යම් ස්‌ත්‍රී පුරුෂයකු සතුව ඇති ආවේණික ස්‌වභාවය මේ අනුව අවබෝධ කර ගත හැකියි. භෞතික - පුද්ගල - ආයතන වශයෙන් සැලැසුම් කරණය ශුබවාදී මෙන්ම අශුබවාදී වීමේදීත් බාහිර ක්‍රියාකාරකම් බහුලව බලපානු ඇත. වර්තමාන රාජ්‍යයන් තුළ කඩාකප්පල්කාරී වූද, අන්‍යයන් සතු ශ්‍රමය සූරා කෑමට ද පුද්ගල ස්‌වරූපය නොවිමසා නිලතල ප්‍රධානයම හේතු සහගත වෙන බැව් පෙනෙයි. යම aබදු නිල තල තනතුරු දරන අක්‍රමික වූ පිරිස්‌ නිසා කවර රාජ්‍යයක නමුදු බහුතරයකට අයුතු අසාධාරණ තත්ත්වයක්‌ උදාව පවතිනු ලබයි. ශ්‍රී ලංකාව වැනි රෝම ලන්දේසි නීතිය ක්‍රියාත්මක වන රාජ්‍යයන් හි සුදුස්‌සා පසෙකට දමා නුසුදුස්‌සා පෙරමුණට ඇද දැමෙන බවක්‌ ද එයින් මුළු මහත් පොදු සමාජය අනේකවිධ දුෂ්කරතාවනට මුහුණ පා ඇති බව ද සුප්‍රකට කරුණු කාරණා වේ.ඔබ මෙතෙක්‌ පුද්ගල ස්‌වභාවය නොමැන කරන ලද සෑම කරුණු කාරණාවකින්ම අද දක්‌වා දිවෙන තැවෙන ස්‌වභාවයට පත්ව ඇති බැව් අවබෝධ කර නොගත්තේ ද? විමසා බලනු මැනවි.
යමකු කුඩය හොඳින් ඔතා වෙලා තද කරගෙන සිටිනව ඔබ නිතර දැක ඇත. අන්‍යයන්ගෙන් සූරා කෑමකට කිසිදා අර නොඅදින පෞද්ගලිකව ජීවිතය ගොඩනඟා ගැනීමට සෑම මොහොතකදීම උත්සාහ කරන උදවිය එබඳු ආකාරයෙන් ම කුඩය පරිහරණය කරනු ලබයි. නමුත් මෙබඳු උදවිය කෙරෙහි සොර සතුරන් ද ඊර්ෂ්‍යා වෛර, ද්වේෂ සහගත කුරිරු කුහක පිරිස්‌ ද නැතුවා නොවෙයි. එබැවින් මෙබඳු පිරිස්‌ බොහෝ දුරට ආරක්ෂාව, දියුණුව පිළිබඳ සුරක්‍ෂිත බව කෙරෙහි අවධානය යොමු කොට ගත යුතුව ඇත.
කුඩය කිහිල්ලේ ගහගෙන ගමන් යන එන පිරිස්‌ ද අප අතර සිටිනු පෙනෙයි. ලෝක ස්‌වභාවය, පුද්ගල ස්‌වභාවය පිළිබඳ දැනුම් සම්භාරයකින් අනූන වු අයෙකු බැව් පෙනී යයි. නොපෙනෙන වෙනත් බාහිර බලවේග පිළිබඳව නොසිතන මෙබඳු උදවිය අදාළ ජීවිතය ක්‍රමානුකූලවම ගත කරනු ලබන්නා වූ පිරිස්‌ ය.
බෙල්ලෙහි හෝ කරෙහි කුඩය එල්ලාගෙන යන්නෝ නිතර අන්‍යයන්ගේ දුක සැප වත් පොහොසත්කම් හෝ අන්‍යයන්ට අකුල් හෙළීම කෙරෙහි කවර මොහොතකදු නොසිතනු ලබයි. කාරුණික අවංක, සත්‍යවාදී පිරිස්‌ ද මොවුන් වෙයි. කපු උන්නැහැලො ද කරෙහි හෝ බෙල්ලෙහි කුඩ එල්ලා ගෙන යනු ලබන උදවියයි. ඔවුන්ද බලනුයේ ස්‌වකීය කරුණු සඵලකර ගැනීමයි. මෙබඳු ආකාරයෙන් කුඩ දරන්නන් කෙරෙහි සමාජය ගරු කරන අතර, ඔවුන්ගේ අවවාද අනුශාසනා තීරණයන් කෙරෙහි නිතර එකඟ වෙන්නා වූ සුළුවෙයි.
වක්‌ වූ මිට සහිත කුඩය විවාහක උදවිය බහුලව භාවිතා කරනු පෙනෙයි. අවිවාහකයකු නමුදු එවැනි කුඩයක්‌ භාවිතා කරන උදවිය බොහෝ දුරට වගකීම් දරණ, සොර සතුරු උපක්‍රමශිලී කටයුතුවලට මුහුණ පාමින් සිටින උදවියයි.
තදින්ම කුඩ මිට අල්ලා බින ඇන ඇන යන උදවිය ද ඔබ දැක ඇති යෑයි සිතන්නෙමි. මොවුන් කාරුණික, පරිත්‍යාගශීලී වූ අවංක හදවත් ඇති ශීලාචාරව ජන සමාජයේ ජීවත් වෙන්නෝ වෙති.
විචිත්‍ර කුඩ රැගෙන යන්නෝ ද ඒ අතරින් වනිතා පක්‍ෂය ද බැව් පැහැදිලිව පෙනෙන්නකි. ජීවිතය පිළිබඳ යථාර්ථය අවබෝධයකින් තොර ආටෝප සාටෝප තුළින් සමාජය තුළ බැබළි සිටින පිරිස්‌ මේ ගණයට ඇතුළත් වෙයි. දෛනික ජීවිතයෙහි ජීවන ගමන ඉතාම සැහැල්ලුවෙන් පහසුවෙන් ගෙන යන බහුතරයක්‌ අරුමෝසම් ආටෝප සාටෝප කටයුතු අධික වූ පිරිස්‌ ය. කුඹුරු හේන් එළවළු කොටු, ගාල් කටයුතු කරනා උදවියට අල කොළය, කෙසෙල් අත්ත, කුඩයකි. ඔවුන්ට අව්ව - වැස්‌ස ස්‌වභාව ධර්මයෙන් ම ලැබුණු දායාදයකි. පවතින ස්‌වභාව ධර්මය සමඟ යථාර්ථවාදීව ජීවිත ජය ගන්නාට විසිතුරු ක්‍රියාකාරකම් බොහෝ දුරට අල්ප වෙයි. හීනමානය පෙරදැරි කොටගත් පිරිස්‌ විචිත්‍රවර්ණ කුඩය භාවිතයට ගනු ලබන බැව් පැහැදිලිව පෙනෙයි.
කුඩය පහළට එල්ලාගෙන යනු ලබන උදවියට නිෂ්ඵල වියදම් මෙන්ම කරුණු කාරණාවන් ද බහුලව යෙදෙති. එපමණක්‌ නොව ඔවුන්ගේ තැන්පත් දේපළ වස්‌තු - ජීවිතයෙහි ස්‌ථාවරත්වය පිළිබඳව කිසිදු මිනුම් දණ්‌ඩක්‌ නොමැත. හක්‌කේ බුදුරැස්‌ - බොක්‌කේ දඩමස්‌ කියන ස්‌වභාවය මොවුන්ගෙන් අභ්‍යන්තරව ජනිත වන්නෙකි.
වැලමිටෙහිම කුඩය රඳවාගෙන යන්නවුන්ට රැකිය යුතු රහස්‍ය බව 100% ක්‌ ම ඇත. ඔවුන් හඳුනා ගැනීම බෙහෙවින් ම දුෂ්කර වෙයි. විවෘත හදවතකින් ඔවුන් හට ක්‍රියා කරලීමේ ශක්‌තිය ධෛර්යය හීනවෙයි.
පාඨක ඔබද මිනිසාගේ අභ්‍යන්තර චිත්ත - චෛතසික ස්‌වභාවය කුඩය රැගෙන යන විලාශය අනුව තීරණය කරගනු මැනවි.
උපුටා ගැනීම දිවයින
