උද්‍යාන අලංකරණය සහ නඩත්තුව

වර්තමානයේ උද්‍යාන අලංකර සඳහා අද බොහෝදෙනෙක් උනන්දු වෙති. එහෙත් ක්‍රමත් ආකාරයට උපරකරණ පරිහරණය කිරීම පිළිබඳව අද බොහෝ දෙනෙකුට අවබෝධයක් නොමැති වීම කනගාටුවට කරුණකි. මේ නිසාම තමන්ගේ ගෙමිදුල හෝ උද්‍යනයට තමන් බලාපොරොත්තු වන තරම් සොඳුරු බවක් ලබා ගැනීමට නොහැකි වේ. මේ සඳහා කනගාටුවීම හෝ අනවශ්‍ය ආකාරයට පිරිවැයක් දැරීම කිසිසේත් සුදුසු නැත. ගෙවත්තේ යන්ත්‍ර උපකරණ භාවිතය පිළිබඳ අවබෝධයක් ඔබට තිබීම ඉතාමත් වැදගත් වේ.

ආරක්ෂාව සලසා ගැනීම :

මෙහිදී ඔබ කළ යුත්තේ තාවකාලිකව යන්ත්‍රණ භාවිතා කිරීමෙන් වැළැකීමයි. තමන්ගේ අභිමතය පරිදි යන්ත්‍ර භාවිතා කිරීමට හුරු වුවහොත්,ඉන් අනර්ථකාරී ප්‍රතිඵල අත් වනුයේ තමන්ටය. මේ නිසා ඔබ භාවිතා කරන උපකරණ පිළිබඳ ඔබට නිසි අවබෝධයක් තිබිය යුතුය. උපකරණයක් භාවිතා කිරීමට පෙර මුහුණු ආවරණ යෙදීම, ඇස් ආවරණය කර ගැනීම හිස ආවරණය කර ගැනීම සඳහා දැඩි සැලැකිල්ලක් දැක්විය යුතුය. නොඑසේ නම් එහි අනර්ථකාරී ප්‍රතිඵල ඇති වන්නේද ඔබටය. මෙහිදී ඔබ අඳින ඇඳුම පිළිබඳවද සැලැකිලිමත් විය යුතුය. අත් දිග කමිසයක් හා කලිසමක් මේ සඳහා ඔබ යොදාගන්නේ නම් ශරීරයට සිදුවන හානි අවම කර ගැනීමට හැකි වනු ඇත.

තෘණ පඳුරු කැපීමට පෙර අවට ප්‍රදේශය පිළිබඳ සැලැකිලිමත් වීම.

ඔබ පිරිසුදු කිරීමට බලාපොරොත්තුවන ස්ථානය බහුල වශයෙන් සතුන් ගැවැසෙන ස්ථානයක්ද නැති නම් සතුන්ගෙන් තොර ස්ථානයක්ද යන්න පිළිබඳව සැලැකිලිමත් වන්නේ නම් සිදුවෙන බාධා ඉතාමත් අල්ප වේ. වැඩිපුර තෘණ වැවී ඇති ස්ථානයක් පිරිසුදු කිරීමට හෝ කප්පාදු කිරීමට යාමේදී එහි ස්වභාවය අඳුනාගැනීමට ඔබ අපොහොසත් වුවොත්, නිසි උද්‍යාන අලංකාරයක් ඔබෙන් සිදු නොවේ. නිරන්තර උද්‍යාන අලංකාරයේ යෙදෙන්නකු නම් මෙය ගැටලුවක් නොවේ. එහෙත් ආධුනිකයෙකු නම් මේ පිළිබඳ දැඩි සැලැකිල්ලක් දැක්විය යුතුය. යන්ත්‍රය යොදා ගැනීමට ප්‍රථම එම යන්ත්‍රයට ඉන්ධන තිබේද? යන්ත්‍රයේ කිසියම් දුර්වලව බවක් තිබේද යන්න පිළිබඳව නිරීක්ෂණය කළ යුතුය. එමෙන්ම යන්ත්‍රය භාවිතා කිරීමේදී එම යන්ත්‍රයේ කැපුම් තලය කැපීමට සුදුසු ආකාරයට තිබේද යන්න පිළිබඳව අවබෝධයක් තිබිය යුතුය. භ්‍රමණය වන යන්ත්‍රයක් නම් භූමියට සෙ.මී. තුනක් හෝ හතරක් ඉහළින් ඇල්ලිය යුතුය. නැතිනම් ගල් කැබැලි යන්ත්‍රයේ ගැටීමෙන් අනතුරු සිදුවීමට සිදුවේ. අර්ධ කවාකාර යන්ත්‍රයක් නම් ඔබ මොබ යමින් තෘණ කැපීමේදී භාවිතා කළ යුතුය. භාවිතා කරන යන්ත්‍රයේ එංජිමට සවි කර ඇති වායුශෝධක පෙරහනයේ දූවිලි හා වෙනත් අපද්‍රව්‍ය රැඳී ඇත්නම් ඉන්ධන පරිභෝජය ඉතාමත් ඉහළ අගයක් ගනියි. එමෙන්ම කාර්යක්ෂමතාවද අඩුවේ. මේ නිසා ඔබ භාවිතා කළ යන්ත්‍රය නැවත පරිහරණයට පෙර යන්ත්‍රයට සවිකර ඇති පෙරහනය සොලවමින් අපද්‍රව්‍ය ඉවත් කළ යුතුය. එසේ නොමැති නම් සබන් ද්‍රාවණයක ගිල්වා පිරිසුදු ජලයෙන් උපකරණය සේදිය යුතුය. නැති නම් කාබියුරේටරය ගලවා පිරිසුදු කළ යුතුය.දිගු කාලීනව මෙවැනි යන්ත්‍රයක් පරිහරණය කිරීමේදී ඉන්ධන දහනයේ දී උපකාරී වන පුලිඟු පේනු ක්‍රියා විරහිත වී යන්ත්‍රය දුර්වල වේ. මෙයට හේතුව ඉලෙක්ට්‍රෝන අතර පරතරය වැඩි වීමයි. එසේ නොමැති අවස්ථාවල එම පරතරය මිලිමීටර් 0.6-0.7 අතර ප්‍රමාණයට සකස් කරගන්න.

අලුත්වැඩියා කළ නොහැකි නම් :

යන්ත්‍රය අලුත්වැඩියා කළ නොහැකි අන්දමට පිළිස්සී ඇති නම් අලුත් පුළිඟු පේනුවක් සවි කරන්න. මෙයට හේතුව කල්ගත වීමේදී පිටාර නළයේ කාබන් අංශු තැන්පත් වීමයි. එසේ සිදුවීම යන්ත්‍රයේ ප්‍රතිදාන බලයට බලපාන ඇත. එම නිසා එය ගලවා භූමි තෙල් ආලේප කිරීම මඟින් යන්ත්‍රය සුද්ද කිරීමට පියවර ගත යුතුය. මෙහිදී යන්ත්‍රයේ අදාළ කොටස භුමි තෙල් දැමූ බඳුනක බහා තැබීමෙන් යන්ත්‍රය සොලවා එහි මිශ්‍ර වී ඇති අපදුව්‍ය ඉවත් කිරීම කළ යුතුයි. ඉන් පසු සම්පීඩන සුළි ධාරාවක් යන්ත්‍රයට යවා පිරිසුදු කර යන්ත්‍රයට සවි කරන්න.

දිගුකාලීනව ඇති වන දෝෂ :

යන්ත්‍රයක් දිගු කාලීනව පරිහරණය කිරීමේදී යන්ත්‍රයේ පීඩනය අඩු විය හැකිය. එසේ වනුයේ පිස්ටන් වළල්ල ගෙවී යාම හේතු වෙනි. එවැනි අවස්ථාවක එම කොටස නැවත යොදා යන්ත්‍රය පරිහරණයට යොදා ගත හැකි වේ. ඔබ මතක තබා ගත යුතු අනිත් කරුණ නම් මෙවැනි යන්ත්‍රයක් පරිහරණයෙන් පසු ගබඩා කිරීමේදී යන්ත්‍රයේ ඇතුළත ඇති ඉන්ධන ඉවත් කර යන්ත්‍රය ගබඩා කළ යුතුය. නැති නම් සිදු විය හැකි අනතුරුවල ස්වභාවය වැඩි වේ. මෙහිදී බාහිරව යන්ත්‍රය හොඳින් පිරිසුදු කිරීමට ද අමතක නොකරන්න.

ගොවිපොළ යාන්ත්‍රික උපදේශක එම්. එම්. පාලිත මුණසිංහ
උපුටා ගැනීම සිළුමිණ