මල් ලස්සනයි හොඳ හොඳ පාටයි විෂ සහිතයි ජීවිතයට අනතුරයි

ලස්සන මල් නම් දැකුමත් ප්‍රියයි. ඒත් අද කාලයේ මල් පවා තෝරා ගත යුත්තේ පරෙස්සමිනුයි. එපමණක් නොවේ නොයෙක් විසිතුරු පැළ පවා එහෙමයි. සොඳුරු ගෙවත්ත හැඩ කරන විසිතුරු ගහකොළ පවා සමහරවිට තම ජීවිතයට හානිකර විය හැකි බව බොහෝදෙනෙක් නොදන්න කරුණක්. ඒ නිසා, දකින දකින අයෙගෙන් මල් පැළ ඉල්ලා ගන්නා අය පමණක් නොවෙයි, අන් සියලු දෙනාමත් පරිසරයේ ඇති විස සහිත විසිතුරු ශාක හඳුනාගෙන තිබීම ශාක මගින් විය හැකි විෂවීම් වළක්වා ගැනීමේ හොඳම මගයි. විශේෂයෙන්ම ශාක විෂවීම් කුඩා දරුවන් අතර වඩා සුලබ බව හඳුනාගෙන තිබේ. කුඩා දරුවන් බොහෝ අවස්ථාවල මෙවැනි විසිතුරු මල් හෝ පැළවලට ඇලුම් කරනුයේ එක්කෝ එහි පැහැය නිසායි. නැතිනම් එහි සුවඳ නිසයි. නොදැනුවත්කම මත සිදු කරන මේ ඇලුම් කිරීම නිසා කුඩා දරුවන් වැඩි වශයෙන් ශාක විෂවීම්වලට ගොදුරු වෙයි. නමුත් විවිධ පාරිසරික සාධක මත සමහර ශාක වඳවෙමින් තිඛෙන නමුත් අප මේ පිළිබඳ විමසිලිමත් විය යුත්තේ ගෘහස්තව ඇති යම් ශාක මගින් විෂවීම්වලට ලක්විය හැකි බැවිනි. සැපීමෙන්, සුවඳ බැලීමෙන්, ඇගේ තැවරීමෙන් සමහර ශාක මගින් යම් යම් විෂවීම් සිදුවිය හැකිය.

ගෘහාශි්‍රතව තිඛෙන සමහර ශාක විෂ සහිතය. කුඩා දරුවන් එවැනි ශාක කොටස් කටේ දමා සැපීමෙන් මේවායේ ඇති විෂ ශරීරගත විය හැකිය. එබැවින් හඳුනා ගත් එවැනි ශාක නිවෙස් තුළ හෝ ගෙවත්තේ වවා තිබේනම් ඒවා ආරක්ෂාකාරී ලෙස නඩත්තු කිරීම හා කුඩා දරුවන්ගෙන් එවැනි ශාක දුරස් කර තැබීමට සැලකිලිමත් විය යුතුය. ගෘහණියන්සේම ගෙවතු අලංකරණ ශිල්පීන් පවා මේ පිළිබඳ දැනුවත් වීම අත්‍යවශ්‍යය. විශේෂයෙන් තම සේවාදායකයින් සමග කටයුතු කිරීමේදී මෙවැනි දැනුමකින් යුක්ත වීම වඩා පරිපූර්ණ සේවාවක් සැපයීමට මනා පිටිවහලකි. ගෙවත්තේ ශාකයක් වැවීමේදී එහි ස්වභාවය, එහි විෂ සහිත බව, වවන ස්ථානය පිළිබඳ දැනුමක් තිබීම නිවැසියන්ගේ සුවැති දිවියට ආරක්ෂාවකි. ඔබ විසිතුරු පැළයක් මිළදී ගන්නට යන්නේ නම් අලෙවිසැලෙන් ඒ පිළිබඳ විමසන්න. විශේෂයෙන් ආගන්තුක ශාක ගැන ඔබට දැනුමක් නොතිබිය හැකියි.

මැරිච්ච කොළය වුවත් විෂ විය හැකියි : 

විෂ සහිත ශාකවල වියළි පත්‍රවලද තවදුරටත් විෂ තිබිය හැකි බැවින් විමසිලිමත් විය යුතුය. එවැනි පත්‍ර පුළුස්සන විටදී එයින් නැගෙන දුම ආඝ්‍රාණය නොකළ යුතුය.

හතු : 

කෑමට ගත හැකි හා ගත නොහැකි හතු වර්ග හඳුනා ගැනීමට විශේෂ ක්‍රමවේදයක් නැත. එබැවින් විිවිධ හතු වර්ග ආහාරයට ගැනීමේදී මෙන්ම ඒවාගෘහාශි්‍රතව වගාකිරීමේදී ද සැලකිලිමත් විය යුතුය.

නාඳුනන කොළ වර්ග කටේ දමා සපන්න එපා :

බොහෝදෙනෙකු අනවබෝධය හේතුවෙන් මෙවැනි නෙැසලකිලිමත් දේ කරතත්, සමහරවිට එයින් බොහෝ පීඩාකාරි තත්ත්ව වලටද මුහුණ දීමට සිදුවිය හැකියි.

ශාක කොටස්වලින් සෙල්ලම් බඩු සාදා දරුවන්ට දෙන්න එපා : 

මෙයද සුලබ තත්ත්වයකි. සමහරවිට මේ පිළිබඳ විවිධ මත තිඛෙන්නට පුළුවන. විශේෂයෙන් අතීත සමාජයේ අප මුතුන් මිත්තන් සොබාදහම සමග එක්ව සහජීවනයෙන් කටයුතු කළ බව සැබෑවකි. නමුත් අද අපට සිදුවී තිඛෙන්නේ බරපතල ලෙස වෙනස් වූ පාරිසරික සාධක හමුවේ විනාශ වෙමින් තිඛෙන සොබාදහම හමුවේ දිවි ගෙවීමටය. නැතහොත් අද අප හමුවේ ඇත්තේ අපට ආගන්තුක සොබාදහමකි. එබැවින් අප මෙවැනි දේ කිරීමට පෙර ඒ ගැනද සැලකිලිමත් විය යුතුය. අතීතයේදී සේම අදත් පුංචි දරුවන්ට ගහකොළවලින් නලාවක් වෙනත් සෙල්ලම් බඩුවක් සාදා දීමට අත්තම්ලා, සීයලා කැමතිය. නමුත් මෙම අවාසනාවන්ත තත්ත්වය නිසා ඒ ගැන අපට මඳක් සිතා බැලීමට අද සිදුවනු ඇත.

මල්වලින් පැණි උරන්න එපා :

මෙයද අනතුරුදායකය. මේවා අතීතයේ අපට හුරු පුරුදු දේ වුවද වඩා නුවණැති පියවර නම් මෙවැනි දේ වලින් ඈත්ව සිටීමත්, දරුවන්ට ඒ ගැන නිසි අවබෝධයක් ලබා දීමත්ය.

හඳුනන්නේ නැති විසිතුරු මල්වලින් කෑම බඳුන් අලංකාර නොකරන්න : 

අද පවතින තරගකාරී සුපවේද භාවිතාවන් වලදී මෙය අපට බොහෝවිට දැකිය හැකිය. මෙය අතිශයින් නෙතට පි්‍රය ක්‍රමෝපායක් වුවද නාඳුනන හා විස සහිත මල් වර්ග හා කොළ වර්ග වලින් ආහාරයට යම් විෂ මුසු විය හැකි බව අප සිහියේ තබාගත යුතුය.

සමුද්‍රිකා වර්ණකුල 
උපුටා ගැනීම දිනමිණ