Party ගර්ල්ස්ලට Figure එකට Match වෙන්න Shoes & Hand bags

කෙනෙකුගේ ශරීරයේ හැඩයෙන් අපිට කියන්න පුළුවන් මොන වගේ ඇඳුම්ද එයාට ගොඩක්ම ගැළපෙන්නෙ, මොන වගේ ෂූස් ද එයාගේ ෆීචර්ස් වැඩි කරලා ලස්සනට පෙන්නන්න පුළුවන් කියලා. ඒ වගේම මොන වගේ හෑන්ඩ් බෑග් ද එයාලට ගැළපෙන්නෙ කියලත් ශරීර හැඩයෙන් බලාගන්න පුළුවන්. මේ ලිපියෙන් ඔයාට දැනගන්න පුළුවන් ඔයාගේ ශරීරයේ හැඩයට අනුව වඩාත්ම හොඳින් ගැළපෙන ෂූස් සහ හෑන්ඩ් බෑග්ස්. ඉතින් මේක නත්තල් පාටීස්වලට එහෙම ලස්සනට ඇඳන් යන්න ඉන්න ඔයාට ගොඩක් වැදගත් වේවි. ඊට කලින් ඔයාගේ ශරීරය හැඩය මොකක්ද කියලා ඔයා දැනගෙන ඉන්න ඕනේ.

Inverted triangle 

මෙහෙම අයට ටිකක් පුළුල් උරහිසක් තමයි තියෙන්නෙ. ශරීරයේ පහළ කොටස කුඩාවට සහ ශරීරයේ ඉහළ කොටස විශාලව පිහිටලා තියෙනවා.

Pear 

ඔයාගේ හිප්ස් වලට වඩා ඔයාගේ ශරීරයේ ඉහළ කොටස ඉන සහ උරහිස් පිහිටලා තියෙන්නේ කුඩාවට.

Hourglass 

ඔයාගේ උරහිස් සහ හිප්ඩ් සමානුපාතිකව පිහිටලා තියෙන්නෙ. ඒ වගේම ඉන කුඩාවට තමයි පිහිටලා තියෙන්නෙ.

Apple 

ඔයාගේ උරහිස් සහ හිප්ස්වලට වඩා ශරීරය මැද කොටස ඒ කියන්නෙ බඩ හරිය විශාලව පිහිටලා තියෙන්නෙ.

Rectriangle 

උරහිස් ඉන සහ හිප්ස් ඔක්කොම එක සමාන අගයක් ගන්නෙ. එක ළඟ යන අගයක්.

Inverted triangle හැඩයට ගැළපෙන බෑග්ස් 

මෙහෙම ශරීර හැඩයක් තියෙන අය ඉන ප්‍රදේශයට වැඩි අවධානයක් එන බෑග්ස් තෝරගන්න ඕනා. විශේෂයෙන්ම සලකා බලන්න ඕනා බෑග් එකේ පටියේ දිග සහ පළල. ඔයාට පපුව ප්‍රදේශයට විශාල අවධානයක් ඕන නැති නිසා කුඩා සහ Oversized shoulder bags, large strap එක්ක තෝරාගන්න එපා. Cross body bags,Belt bags, Long strapped handbags සහ Clutches ගොඩක් හොඳින් ගැළපෙනව.

ගැළපෙන සපත්තු 

ඉන්වර්ටඩ් ට්‍රෑන්ගල් ශරීරයේ හැඩය නිසා ඔයාගේ ශරීරයේ උඩ කොටස විශාලව පිහිටලා තියෙන්නේ Chunky and eye catching footwear වලින් ඔයාගේ ශරීරයේ විශාල උඩ කොටස බැලන්ස් කරන්න පුළුවන්. ඒ වගේම පහළ කොටසට වොලියුම් එකක් දෙන්න පුළුවන් තව විදිහක් තමයි Platform sneakers / Chunky sandals.

Pear හැඩයට ගැළපෙන බෑග්ස් 

ඉන ප්‍රදේශය සහ හිප්ස් ප්‍රදේශය විශාලව පිහිටලා තියෙන නිසා අවධානය වැඩිපුර යන්න ඕන උරහිස්වලට සහ පපුවට. මේකට ඔයා ඔයාගේ බෑග් එකේ පටියේ දිග ගැන තමා අවධානය දෙන්න ඕනේ. ඔයාට ඉනෙන් පල්ලෙහාට දිග තියෙන බෑග් ගැළපෙන්නෙ Shoulder bags / Bucket bags තමයි හොඳින්ම ගැළපෙන්නෙ.

ගැළපෙන සපත්තු 

ඔයාගේ ශරීරයේ ලස්සනට Curves පිහිටලා තියෙනවා සහ ශරීරයේ පහළ කොටස විශාලව පිහිටලා තියෙන්නෙ. ඒ පුළුල් කලවා නිසා. ඒ නිසා ඔයාට දිග කකුල් දෙකක් තියෙනවා කියලා තමයි ඔයා පෙන්නන්න ඕනෙ. Bright color heels මගහැරලා Nude heels ට්‍රයි කරලා බලන්න. ඒකෙන් ඔයාට දිග කකුල් දෙකක් තියෙනවා කියලා පේනවා. Platform heels වලින් උස තියෙනවා කියලා පෙන්වන්න පුළුවන්.

Strappy sandals වලින් feet එකට අවධානය ගන්න පුළුවන් සහ ගොඩක් Outfits compliment කරන්න පුළුවන්. ඒ වගේම Ankle strap තියෙන සපත්තුත් මගහරින්න ඕනෙ. නැත්නම් ankle එක ළඟින් කකුල කැපිලා වගේ පෙනෙන නිසා කකුල් කොට ගතියක් පෙන්නන්න පුළුවන්.

Hourglass හැඩයට ගැළපෙන බෑග්ස් 

ඔයාට ඕනෙම විදිහක බෑග් එකක් ගැළපෙනවා. නමුත් ඔයා බෑග්ස් තෝරගන්නකොට ඔයාගේ බැලන්ස් ෆිගර් එක කවර් නොවෙන බෑග්ස් තෝරගන්න ඕනේ.

ගැළපෙන සපත්තු 

Hourglass figure එකට ගැළපෙන්නෙ නැති ශූස් නැහැ. නමුත් මෙහෙම ශරීර හැඩයක් තියෙන අය Chunky type shoes මගහැරිය යුතුයි.

apple හැඩයට ගැළපෙන බෑග්ස් 

ඔයා තෝරන බෑග් එකේ සයිස් එක ඩිසයින් එකෙන් තමයි ලොකු වෙනසක් වෙන්නෙ. කුඩා සහ කොට පටි තියෙන Unstructured බෑග්ස් ඇපල් බොඩි ශේප් එකක් තියෙන කෙනෙක්ට ගැළපෙන්නෙ නැහැත ඔයා තෝරගන්න ඕනා විශාල බෑග්ස්. Tote bags, Top handle bags ඔයාට හොඳින්ම ගැළපෙනවා.

ගැළපෙන සපත්තු 

සපත්තු තෝරගන්නකොට Pointed විදිහට තියෙන සපත්තු Nude colours වලින් තෝරගන්න ඕනේ. ඒකෙන් ඔයාට දිග කකුල් දෙකක් තියෙන්නේ කියලා පෙන්නන්න පුළුවන්. Platform shoes වලින් උස ගතියක් පෙන්නන්න පුළුවන්. ශරීරය මැද කොටසට ලොකු අවධානයක් නොදී. Ankle strap සපත්තු තමයි මෙතනදි ඔයා මගහරින්න ඕනේ.

මොකද එවැනි සපත්තුවලින් ඔයාගේ Leg line එක කැපිලා පෙන්නන එකෙන් ඔයාගෙ මිටි ගතියක් පේන්න පුළුවන්. ඒ වගේමයි Chunky shoes සහ බර ගතියට තියෙන සපත්තු දාන්නත් එපා. මේකෙන් ඔයාගේ ඇන්කල් එකට බර ගතියක් එකතු කරන්න පුළුවන් ඒකෙන් ශරීරය බැලන්ස් එක නැති කරලා දානව.

Rectangle හැඩයට ගැළපෙන බෑග්ස් 

ඔයාගේ ශරීරයේ Curves තියෙනවා කියලා පෙන්නන bag තෝරගන්න ඕනෙ. ඒ නිසා ඩිසයින් එක මැටීරියල් එක ගැන අවධානය යොමු කරන එක ඉතාමත් වැදගත්. බෑග් එක හිප්ලෙවල් එකෙන් ඉවර වෙන විදිහට බෑග් එකේ පටිය හදාගන්න ඕනේ. ඔයාට ගොඩක්ම හොඳින් ගැළපෙනවා. Oversized satchel hand bags, Tote bags, Boho bags

ගැළපෙන සපත්තු 

සපත්තු තෝරාගන්නකොට ඩීටෙල්ස් තියෙන සපත්තු තෝරගන්න ඕනෙ. Ankle strap සැරසිලි වගේ ඩීටේල්ස් තියෙන සපත්තු හොඳයි. Wedges and platforms කියන ස්ටයිල් වලින් හොඳ වොලියුම් එකක් ශරීරයේ පහළ කොටසට ගන්න පුළුවන්. Plain/Basic flat shoesවලින් ටිකක් ඈත් වෙන්න. මොකද ඒවයින් කිසිම වොලියුම් එකක් කකුලට එන්නේ නැහැ. ඒ වගේමයි Chunky shoes/ Heavy shoes දාන්නත් එපා. මේ වර්ගවලින් Curves ගතියක් ශරීරයට ගන්න බැහැ. Balance නැති ගතියක් ශරීරයට එනවා. ඉතින් අතට අහුවෙන හෑන්ඩ් බෑග්ස්, සපත්තු දාගෙන හැමතැනම නොයා තමන්ගෙ ශරීරයට ගැළපෙන දේවල් තෝරගෙන ලස්සනට යන්න උත්සාහ කරලා බලන්න.

උපුටා ගැනීම නවලිය