ඇඳුම්වල පැල්ලම් යවන්න පහසු ක්‍රම

• ඇඳුම් සෝදන විට බඳුන උතුරා යන තෙක් ජලය නොදමන්න.
• රෙදි සෝදන යන්ත්‍රයක් පාවිච්චි කරන්නේ නම් එයට දැමිය හැකි මුළු ඇඳුම් තොගයම ඇතුළු කරන්න.
• සේදීමට භාවිත කරන සබන් කුඩු පළමුවෙන්ම ජලයෙහි දියකර ගැනීමෙන් සේදීමේදී හොඳ ප්‍රතිඵල ලබා ගත හැකිය.
• හැකිතාක් දුරට ඇල්දිය පාවිච්චියට ගන්න.
• ටික ටික ඇඳුම් නොසෝදා සම්පූර්ණ තොගයම එකවර සේදීම සඳහා යොදා ගන්න.
• රෙදි පිළිවල වර්ගය, වර්ණය මෙන්ම ඒවායේ ඇති කුණු ප්‍රමාණය අනුවද රෙදි ඇපිල්ලීම සඳහා යොදා ගැනීමෙන් සාර්ථක ප්‍රතිඵල ලබාගත හැකිය.
• රෙදි සේදීමේදී පොස්පේට් අඩංගු කුණු පැල්ලම් ඉවත් කරන ද්‍රව්‍ය යොදා ගැනීමෙන් හෝ අධික ලෙස පොස්පේට් අඩංගු දෑ පාවිච්චි කිරීමෙන් ඉවත් වන්න. හැකිනම් හැකිතාක් අඩු කරන්න.
• පොස්පේට් මිශ්‍රිත detergents යොදා රෙදි සේදීම වෙනුවට මේ ක්‍රමය අත්හදා බලන්න. රෙදි සෝදන සෝඩා (සෝඩියම් කාබනේට්) 80ml ක් වතුරට මිශ්‍ර කර, රෙදි සෝදන යන්ත්‍රයට රෙදි තොගය ඇතුළු කරන්න. එයට සබන් දියර 375ml ක්ද එක්කර එය ප්‍රමාණවත් නොවේ නම් තවත් සෝඩා 50ml ක් හෝ විනාකිරි 50ml ක් පළමු සේදීමට එක්කළ හැකිය.
• Detergents වර්ග භාවිත කිරීමේදී රෙදිපිළිවල මණ්ඩි වැනි ශේෂයන් දක්නට ලැබේ. මේවා රෙදිවලින් ඉවත් කළ යුතුය.
• පැල්ලම් ඉවත් කිරීම සඳහා detergents කුඩු වෙනුවට වෙනත් ක්‍රමයක් භාවිත කරන්න. එමඟින් ඇඳුම්වල වර්ණ වෙනස් වේ නම් පැල්ලම් ඉවත් කිරීමට ගත් ද්‍රව්‍ය වහාම උදාසීන කරන්න.
• අම්ල සහිත එනම් දෙහි, විනාකිරි වැනි ද්‍රව්‍ය නම් උදාසීන කිරීමට ක්‍ෂාර භාවිත කරයි. බේකිං සෝඩා හා ඇමෝනියා මේ සඳහා භාවිත කළ හැකිය.
• පලතුරු පැල්ලම් ඉවත් කිරීමට නම් එම පැල්ලමට ලුණු හෝ උණු වතුර දමා පසුව කිරිවල පොඟවා සෝදා හරින්න.
• ග්‍රීස් මිශ්‍ර පැල්ලම් ඇත්නම් එයට පැසෙන උණු වතුර දමා වියළි බේකින් සෝඩා හෝ ඇමෝනියා ස්වල්පයක් එක්කර පසුව සෝදා හරින්න.
• තීන්ත පැල්ලම් ඇතිවිට එය කිරිවල පොඟවා හෝ හයිඩ්‍රජන් පැරොක්සයිඩ් දමා පසුව සෝදා හැරීම කළ හැකිය.
• ලේ පැල්ලම් ඉවත් කිරීමට, ඇල්දියේ පෙඟෙන්න හැර සෝදා හරින්න.
• චුයින්ගම් වැනි දෙයක් රෙද්දක පැල්ලමක් ඇති කරයි නම් අයිස් කැටයක් අතුල්ලා එය ඉවත් කළ හැකියි.
• තොල් ආලේපන පැල්ලම් ඉවත් කිරීමට නම් සිසිල් ක්‍රීම් වර්ගයක් හෝ දුන්තෙල් එම පැල්ලමේ අතුල්ලා රෙදි සේදීමට ගන්නා සෝඩා දමා සෝදා හරින්න.
•  කෝපි පැල්ලම් ඉවත් කිරීමට නම් බිත්තර කහ මදය ඇල් මැරුණු ජලයට මිශ්‍රකර එම ද්‍රාවණය හොඳින් පැල්ලමෙහි අතුල්ලා ගන්න.
• රෙදිපිළිවල තැවරුණු මලකඩ පැල්ලම් ඉවත් කිරීමට නම් දෙහි යුෂ මිශ්‍ර වතුරේ රෙදි පෙඟීමට හරින්න. පසුව පැල්ලමේ ලුණු අතුල්ලන්න. හොඳින් හිරු එළිය වැටීමට හැර වියළුණු පසුව නැවැත සෝදා හරින්න.
• රෙදිවල ඇතිවන දිය පුස් ඉවත් කිරීමට තදින් සබන් ගා ලුණු වතුර දමා හිරු එළියේ වියළීමට තබන්න.

මේ අනුව අහිතකර රසායන ද්‍රව්‍ය හැකි තරම් අඩුවෙන් භාවිත කර ඔබට මෙන්ම පරිසරයටද හිතකර ලෙස රෙදිපිළි පිරිසුදු කර ගැනීමට උනන්දු වන්න. 

ශාලිකා රංගනී සමරදිවාකර 

උපුටා ගැනීම මව්බිම