ඇස් රෝගවලින් ඇස් යට කළු වෙනවා
ඇස් දෙක කියන්නෙ කෙනෙකුගේ ජීවිතයට එබී බලන අභ්‍යන්තර කැඩපතක්. මුහුණ බැලූ විට කෙනෙකුගේ වයස කියන්න පුළුවන් කියා සමහරුන් කියනවා ඔබට කොතෙකුත් ඇසී ඇත. මුහුණ බැලුවම වයස කියන්න පුළුවන් පළවැනි අවයවය තමයි ඇස්දෙක. කෙනෙකුගේ මුහුණ කොයිතරම් පැහැපත්ව, සම සුසිනිඳුව තිබුණත් ඇස්දෙක යට ගිලී කළු පැහැ ගැන්වී ැහැ ඉ්ටි ඇවිත් තිබුණොත් ඒ මුහුණින් තමන්ට තිඛෙනවාට වඩා වයසක් පෙන්නුම් කරනවා. එහෙත් ඔබ සිතා බලන්න කෙනෙක් වයසින් වැඩි වුණත් ඇස් වටේ කළු නොවුණු, ගිලුණු ස්වභාවයක් නොමැති වුණු, ඇස් යට රැලි නොගැසුණු දීප්තිමත් නෙත් සඟලක් තිබුණොත් ඒ මුහුණට තරුණ පෙනුමක් එක්වෙනවා නේද කියා. ඒ නිසා ඇස්දෙක නිරෝගීව ආරක්ෂා කර ගැනීම සඳහා අපි වැඩි වැඩි‍යෙන් උනන්දු විය යුතුයි. අද අපට හමුවන බොහෝ තරුණ තරුණියන් උපරිමයෙන් වෙහෙස දරන්නේ තමන්ගේ හම පැහැපත් කරගන්නයි. සමහර අවස්ථාවල ඔවුන් ඒ වෙනුවෙන් ඕනෑතරම් මුදල් වියදම් කරන්නට ද සුදානම්. එහෙත් අපේ ශරීරයේ ඇති වටිනාම අංගය වන ඇස්දෙක ආරක්ෂා කරගැනීම ගැන බොහෝ දෙනෙක් වැඩි උනන්දුවක් දක්වන්නේ නැත. ඇස් දෙක කොයිතරම් දුරට අපේ ශරීරයේ අනෙකුත් අංග හා බද්ධ වී තිඛෙනවාද යන්නට හොඳම උදාහරණයක් වන්නේ දේශීය ආයුර්වේද ඇස් වෙදකමේදී ඇසේ ආබාධය සඳහා ඛෙහෙත් බඳිනුයේ කකුලේ මහපටඇඟිල්ලටය. එයින් පැහැදිලි වන්නේ සමස්ත ශරීරයටම ඇස සම්බන්ධ වී ඇති බවයි.
අපි විශේෂයෙන් මතක තබාගත යුතු දෙයක් වනුයේ මුහුණේ පිහිටා ඇති සම සහ ඇස් වටේ පිහිටා ඇති සමේ වෙනසයි. ඇස් වටේ පිහිටා තිඛෙන සම මුහුණේ පිහිටා තිඛෙන සමට වඩා හාත්පසින්ම වෙනස්. එහෙත් බොහොමයක් දෙනෙක් මුහුණ සඳහා භාවිතා කරන ක්‍රීම් වර්ගම ඇස් යට සඳහාත්, ඇස් වටේත් ආලේප කරනවා. එය කොහෙත්ම සුදුසු නැති දෙයක්. ඇස් යට පිහිටා තිඛෙන සියුම් සංවේදී සමට මුහුණට ආලේප කරන ක්‍රීම් වර්ගය සැර වැඩි වෙන්න පුළුවන්. මේ නිසා බොහෝ විට ඇස් යට අසාත්මිකතා ඇති වෙන්නත් පුළුවන්. එවැනි අසාත්මිකතා නිසාවෙන් ඇස් යට කළුවෙන්න ඉඩ තිඛෙනවා. ඇස් යට කළු වෙන්න හේතු වන තවත් විශේෂ කාරණයක් වන්නේ ඇස් රෝග ඇතිවීමයි. සමහර බැක්ටීරියා ඇසේ පිහාටුවල ඇතිවීම නිසා මේ තත්ත්වය දැකගන්න පුළුවන්. සමහර වෙලාවට සුදු කුඩු වශයෙන් ඇස් පිහාටුවල දැකගන්න පුළුවන්. මේවා ඇසේ වටේටත් කුඩු වශයෙන් වැටෙන්න පුළුවන්. ඒ නිසාවෙන් ඇස් යට කළුවෙන්න පුළුවන්. මෙවැනි තත්ත්වයන් සඳහා කිසිවිටෙකත් රූපලාවණ්‍ය ප්‍රතිකාර පැතිය යුතු නොවේ. ඇස් හා සම්බන්ධ විශේෂඥ වෛද්‍යවරයකු වෙත යොමුව ඒ සඳහා ප්‍රතිකාර ගත යුතුයි. සමහර කාලවලට අපි අසා තිඛෙනවා බෝවෙන ඇස් ලෙඩ පැතිරෙන අයුරු. මෙවැනි රෝගී තත්ත්වයන්ට ගොදුරු වීම නිසාත් සමහරුන්ගේ ඇස් යට කළු වෙන්නට ඉඩ තිඛෙනවා. තවත් සමහරුන්ට නිතර නිතර ඇසේ නගන එන ස්වරූපයක් දක්නට ලැඛෙනවා. සමහරුන්ට මේ තත්ත්වය මාසෙන් මාසෙම ඇතිවනවා. එවිට ඔරොත්තු දීමේ හැකියාව අඩුයි. මේ අසාත්මිකතාව නිසාවෙනුත් ඇස්යට කළුවෙන්න ඉඩ තිඛෙනවා.
උපුටා ගැනීම සිළුමිණ
