මැරුණු සම ඉවත් කළ යුතුද?
රූපලාවන්‍ය කේෂත්‍රය සමග ගණුදෙනු නොකරන කෙනෙක්‌ අද සොයා ගන්නට නොහැකි තරම් කිව්වොත් ඔබ මොනවද හිතන්නේ. ගැහැනු, පිරිමි දෙකොට්‌ඨාශය ම රූපලාවන්‍ය කටයුතුවලට උනන්දුවීම අදවනවිට පැහැදිලිව පෙනෙන්නට තියෙනවා. නමුත් තව තවත් ලස්සන වෙන්න හිතාගෙන රූපලාවන්‍ය භාවිතා කළත් එයින් සියයට සියයක්‌ ම සමට යහපතක්‌ පමණක්‌ම වේ යෑයි සිතන්නට බැහැ. මිනිස්‌ ශරීරය තුළ විශාලතම ඉන්ද්‍රිය වන සම, ඉතාම සංවේදී මෙන්ම සියුම් ඉන්ද්‍රියක්‌ බව ඔබ දැනටමත් දන්නවා ඇති. මිනිස්‌ සිරුරේ අභ්‍යන්තර ඉන්ද්‍රියන් සියල්ල ආවරණය වී ඇත්තේ සමෙන්. එම නිසා ඔබේ සම කෙසේ ආරක්‌ෂා කර ගත යුතුද යන්න හිතන්න.
බොහෝ යුවතියන් සම මතුපිට කුණු, දූවිලි තැන්පත් වේයෑයි හිතාගෙන සම අතුල්ලන්නත්, එහෙමත් නැත්නම් වෙළඳ පොලේ තිඛෙන ස්‌ක්‍රබ් එකක් සතියකට වතාවක්‌ හෝ භාවිතා කරන්නත් පෙළඹි සිටී. මෙතනදී ඔබ තෝරා ගන්නා ස්‌ක්‍රබ් පැක්‌ එකේ අඩංගු වන සංඝටක පිළිබඳව අවධානය යොමු කිරීම හරිම වැදගත්. මෙහි බොහෝවිට අඩංගු වන ඝන ද්‍රව්‍යයන් යොදා මුහුණ, අත, පය, ඇතිල්ලීමෙන් සමට වෙන්නේ හානියක්. ඔබ මතක තියාගන්න කවමදාකවත් මැරුණු සම ඝන තට්‌ටුවක්‌ ලෙස තැන්පත්වීමක්‌ වෙන්නෙ නැහැ. උදාහරණයක්‌ විදිහට සතුන්ගේ හැව ඉවත්වෙනවා වගේ මිනිස්‌ සමේ මැරණු සෛල කොටස්‌ ද අපටත් නොදැනීම ඉවත්වෙලා යනවා. ඔබ ස්‌ක්‍රබ් කිරීමෙන් බලාපොරොත්තුවෙන්නේ ඝන ද්‍රව්‍යයක්‌ යොදා සමේ අනවශ්‍ය දේවල් ඉවත් කිරීමක්‌ නොවේද?
සම ආරක්‌ෂා කරගන්න නම් කළ යුත්තේ සම හොඳින් පිරිසිදු කර ගැනීමයි. වඩා වැඩි ක්‌ෂාරිය ගතියක්‌ නැති ද්‍රව්‍ය මගින් සම පිරිසිදු කිරීම කළ යුතුයි. එසේ පිරිසිදු කරගත් සම මත තෙතමනය රඳවා ගන්නට මොයිස්‌චර්රයිසර් ක්‍රිම් වර්ගයක්‌ ආලේප කිරීම ඉතාමත් සුදුසුයි. මෙතනදී අපි බලාපොරොත්තුවෙන්නේ සම ආරක්‌ෂාවීමයි. තවත් දෙයක්‌ තමයි සම හිරු එළියට නිරාවරණය වෙනවා නම් කුඩයක්‌ පාවිච්චි කිරීම සහ එහෙමත් නැත්නම් පිටතට යාමට විනාඩි පහළොවකට පෙර හිරු ආවරණ ආලේපනයක්‌ පාවිච්චි කිරීම මගින් හිරු එළියේ තිඛෙන අහිතකර කිරන මගින් සම ආරක්‌ෂා කර ගැනීම වඩාත් සුදුසුයි. වෙළඳ පොලේ තිඛෙන ඝන ද්‍රව්‍ය කොටස්‌ එකතු කර සැදූ ස්‌ක්‍රබ් වර්ග යොදා සමේ මැරුණු සම ඉවත් කිරීමක්‌ ඇත්තටම අවශ්‍ය වන්නේ නැහැ.
මුහුණ පැහැපත් කරගන්න මහන්සි වෙනවා වගේම බෙල්ල ගැනත් හිතුව නම් තමයි හොඳ. අද අපි කතා කරන්න යන්නේ ඔබට විශාල ප්‍රශ්නයක් වෙලා...
අත් බෑගයක් අපට අවශ්‍ය දේ දමාගෙන යාමට උපකාරී වෙන හිත මිතුරියක් වගෙයි. ටී බෑගය පහසුවෙන්ම තේ කෝප්පයක රස බලන්නට මග පාදයි....
ලස්සන ගැන කතා කිරීමේදී නිරෝගී, පිරිපුන් සම ප‍්‍රධාන තැනක්‌ ගන්නවා. සම නිරෝගීව තබා ගැනීමට උත්සාහ කරන බොහෝ යුවතියන්, කාන්තාවන් නොදැන කරන...
සාමාන්‍යයෙන් ගෘහණියක සහ මුළුතැන්ගෙයක් දුටුවිට ඔබට සිහිපත් වන්නේ කුමක්ද? ගෘහණිය මුළුතැන්ගෙයි ඉවුම් පිහුම් කටයුතු කරන ආකාරයයි. නමුත් ගෘහණියකට පමණක් නොව, ඕනෑම...
ලස්සන වෙන්න නම් ඉතින් අපි කවුරුත් කැමතියිනේ. ඉතින් අද මේ ඔබට කියා දෙන්නේ ලස්සන වෙන්න ගෙදරදීමට ඔබට කරන්න පුලුවන් දේවල් ගැනයි.හිරු...
ඔයාගෙ සමේ, මුහුණෙ, හිසකෙස්වල විවිධ විපර්යාසයන් දූවිලි, වාහන දුම, හිරු එළිය වැනි පාරිසරික තත්ත්වයන්ට, දිනපතා නිරාවරණය වෙනවනම් සිදු විය හැකියි. මේ...
